കൊച്ചി: തത്തയെ പിടികൂടാൻ ശ്രമിക്കുന്നതിനിടെ തെങ്ങ് വീണ് വിദ്യാർഥി മരിച്ചു. ആലുവയിലാണ് സംഭവം നടന്നത്. തോട്ടക്കാട്ടുകര ഹോളി ഗോസ്റ്റ് കോണ്വെന്റ് സ്കൂളിലെ ഏഴാം ക്ലാസ് വിദ്യാർഥി വെളിയത്തുനാട് സ്വദേശിയുമാണ് മുഹമ്മദ് സിനാന് ആണ് മരിച്ചത്.
ഉണങ്ങിയ തെങ്ങിലെ പൊത്തില് നിന്നും തത്തയെ പിടിക്കാന് ശ്രമിക്കുന്നതിനിടെ ആയിരുന്നു അപകടം. തല ഉണങ്ങി നിന്നിരുന്ന തെങ്ങ് സിനാനും മറ്റ് നാല് കൂട്ടുകാരും ചേര്ന്ന് വെട്ടിമറിക്കുന്നതിനിടെ സിനാന്റെ ദേഹത്തേക്ക് മറിയുകയായിരുന്നു.
ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. വയലക്കാട് വീട്ടില് സുധിറിന്റെയും സബിയയുടെയും മകനാണ് മുഹമ്മദ് സിനാന്. മൃതദേഹം കളമശേരി മെഡിക്കല് കോളേജില് സൂക്ഷിച്ചിരിക്കുകയാണ്. പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.
Join Our Whats App group
https://chat.whatsapp.com/DnZkuEEgZHP5lo60i9Xm4L
മദ്യലഹരിയിൽ നടു റോഡിൽ ലോറി നിർത്തിയിട്ട് ഉറങ്ങി ഡ്രൈവർ
കാസർകോട്: മദ്യലഹരിയിൽ നടുറോഡിൽ ലോറി നിർത്തി ക്യാമ്പിനിൽ കിടന്നുറങ്ങി ഡ്രൈവർ. തമിഴ്നാട് തഞ്ചാവൂർ സ്വദേശി ബാലസുബ്രഹ്മണ്യനാണ് ദേശീയപാതയുടെ നടുവിൽ ലോറി നിർത്തി കിടന്നുറങ്ങിയത്.
സംഭവത്തിൽ ഇയാളെ കുമ്പള പൊലീസ് കസ്റ്റഡിയിലെടുത്തു. മദ്യലഹരിയിൽ അപകടകരമായ രീതിയിൽ ലോറി ഓടിച്ചു വന്ന ഇയാൾ കുമ്പള ദേവീ നഗറിലെത്തിയപ്പോൾ നടു റോഡിൽ ലോറി നിർത്തി കിടന്നുറങ്ങുകയായിരുന്നു.
കണ്ണൂർ ഭാഗത്തേക്ക് എൽപിജിയുമായി പോകുകയായിരുന്നു ലോറി. വിവരം അറിഞ്ഞെത്തിയ പൊലീസ് ഡ്രൈവറെ കസ്റ്റഡിയിലെടുത്ത ശേഷം ലോറി മാറ്റിയിടുകയായിരുന്നു. ഡ്രൈവറുടെ ലൈസൻസ് സസ്പെന്റ് ചെയ്യാനുള്ള നടപടി സ്വീകരിക്കുമെന്ന് പൊലീസ് അറിയിച്ചു.
Post A Comment: