മുംബൈ: ട്രെയിനിൽ നിന്നും യാത്രക്കാരൻ പുറത്തേക്ക് വലിച്ചെറിഞ്ഞ തേങ്ങ തലയിൽ വീണ് യുവാവ് മരിച്ചു. മുംബൈയ്ക്ക് സമീപം ഭയന്തറിലാണ് സംഭവം നടന്നത്. 20 കാരനാണ് മരിച്ചത്.
പൂജാ സാധനങ്ങള് അടങ്ങിയ പാക്കറ്റ് യാത്രികൻ നദിയിലേക്ക് വലിച്ചെറിയുകയായിരുന്നു. ഇതിൽ ഉണ്ടായിരുന്ന തേങ്ങ തെറിച്ച് തലയിൽ വീണാണ് യുവാവ് മരിച്ചത്.
നൈഗാവിനും ഭയന്ദര് ക്രീക്കിനും ഇടയിലുള്ള പഞ്ചു ദ്വീപില് താമസിക്കുന്ന യുവാവ് ശനിയാഴ്ച രാവിലെ 8.30 ഓടെ റെയില്വേ ക്രീക്ക് പാലത്തിലൂടെ നൈഗാവോണ് സ്റ്റേഷനിലേക്ക് നടക്കുകയായിരുന്നു.
പെട്ടെന്ന് വഴിപാടുകളുടെ (നിര്മ്മാല്യ) ഭാഗമായ ഒരു തേങ്ങ വേഗത്തില് വന്ന ലോക്കല് ട്രെയിനില് നിന്ന് തലയില് ഇടിച്ചു. സംഭവത്തില് അദ്ദേഹത്തിന് ഗുരുതരമായി പരുക്കേൽക്കുകയായിരുന്നുവെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
ആദ്യം യുവാവിനെ വസായിലെ മുനിസിപ്പല് സര് ഡിഎം പെറ്റിറ്റ് ആശുപത്രിയിലേക്ക് കൊണ്ടുപോയി, പിന്നീട് കൂടുതല് ചികിത്സയ്ക്കായി മുംബൈയിലെ ഒരു ആശുപത്രിയിലേക്ക് മാറ്റി. തലയ്ക്കേറ്റ ഗുരുതരമായ പരുക്കും രക്തനഷ്ടവും മൂലം ഞായറാഴ്ച രാവിലെ അദ്ദേഹം മരിച്ചതായി ബന്ധുക്കള് അറിയിച്ചു.
Join Our Whats App group
Post A Comment: