കൊച്ചി: നടനും സംവിധായകനുമായ നാദിർഷയുടെ മകളുടെ വിവാഹ നിശ്ചയ ചടങ്ങ് ആഘോഷമാക്കുകയായിരുന്നു സിനിമാ താരങ്ങൾ. ദിലീപും കാവ്യയുമടക്കം നിരവധി പേരാണ് ചടങ്ങിൽ പങ്കെടുക്കാനെത്തിയത്. ചടങ്ങിലെ കൂടുതൽ ചിത്രങ്ങൾ പുറത്തുവന്നപ്പോൾ ദിലീപും കാവ്യയും തന്നെയാണ് ശ്രദ്ധ നേടിയത്.
ദിലീപിന്‍റെ മകൾ മീനാക്ഷിയും ചടങ്ങിലെ ശ്രദ്ധാ കേന്ദ്രമായിരുന്നു. നാദിർഷയുടെ മകൾ ആയിഷയും മീനാക്ഷിയും കളിക്കൂട്ടുകാർ കൂടിയാണ്. ചടങ്ങിനിടെ കാവ്യയുടെ ചിത്രം പകർത്തുന്ന ദിലീപിനെയും കാണാം. കൊച്ചിയിലെ സ്വകാര്യ ഹോട്ടലിലായിരുന്നു നാദിർഷയുടെ മകളുടെ വിവാഹ നിശ്ചയ ചടങ്ങ്.
നടി ആശാ അരവിന്ദും കുടുംബവും ഉൾപ്പെടെ സിനിമാ ലോകത്തു നിന്നും ചിലരും ചടങ്ങിലെത്തിയിരുന്നു. ഏറെ നാളുകൾക്ക് ശേഷമാണ് കാവ്യയും ദിലീപും പൊതുവേദിയിലെത്തുന്നതെന്ന പ്രത്യേകതയുമുണ്ട്. സിനിമയിൽ എത്തുന്നതിനു മുമ്പേ ദിലീപും നാദിർഷയും സുഹൃത്തുക്കളാണ്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: