മുംബൈ: നടി വിദ്യാബാലൻ അഭിനയിക്കുന്ന ചിത്രത്തിന്റെ സെറ്റിൽ നിന്നും നടനും സംവിധായകനുമായ വിജയ് റാസിനെ പീഡനക്കേസിൽ പൊലീസ് അറസ്റ്റ് ചെയ്തു. ഇയാളുടെ സഹപ്രവർത്തകയുടെ പരാതിയെ തുടർന്നാണ് അറസ്റ്റെന്ന് പൊലീസ് വ്യക്തമാക്കി. മഹാരാഷ്ട്രയിലെ ഗോണ്ഡിയയിൽ നിന്നാണ് അറസ്റ്റ് ഉണ്ടായിരിക്കുന്നത്.
സിനിമാ ചിത്രീകരണം നടക്കുന്നതിനിടെയായിരുന്നു അറസ്റ്റ്. ഇതോടെ ഷൂട്ടിങ് മുടങ്ങി. വിദ്യാബാലൻ കേന്ദ്ര കഥാപാത്രത്തെ അവതരിപ്പിക്കുന്ന ഷേർണി എന്ന ചിത്രത്തിന്റെ ലൊക്കേഷനിലാണ് സംഭവങ്ങൾ അരങ്ങേറിയത്.
ചിത്രീകരണത്തിനിടെയാണ് പരാതിക്കാരി പീഡിപ്പിക്കപ്പെട്ടതെന്നാണ് വിവരം. റണ്, ധമാല്, വെല്കം, ദീവാനെ ഹുയേ പാഗല്, ഗല്ലി ബോയ് തുടങ്ങിയവയാണ് വിജയ് റാസ് അഭിനയിച്ച പ്രധാന ചിത്രങ്ങള്. കെ.ക്യൂ, മൺസൂണ്ഡ മാംഗോസ് തുടങ്ങിയ മലയാള ചിത്രത്തിലും അഭിനയിച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/FQzpIvEspNvGQ6pBFqkUly
Post A Comment: