beവാഷിങ്ടൺ: ബൈഡന്‍റെ വിജയം അമേരിക്കൻ ജനത ഉറപ്പില്ലെങ്കിലും തന്‍റെ തോൽവി സമ്മതിക്കാൻ നിലവിലെ പ്രസിഡന്‍റ് ഡൊണാൾഡ് ട്രംപിന് ഇതുവരെ കഴിഞ്ഞിട്ടില്ല. അടുത്ത സുഹൃത്തുക്കളും ഉപദേശകരും ട്രംപിനോട് തോൽവി സമ്മതിക്കാൻ നിർദേശിച്ചെങ്കിലും ട്രംപ് വഴങ്ങിയില്ലെന്നാണ് റിപ്പോർട്ട്. ഇപ്പോൾ ഭാര്യ മെലനിയയും ട്രംപിനോട് തോൽവി സമ്മതിക്കാൻ ആവശ്യപ്പെട്ടാണ് അമേരിക്കൻ മാധ്യമങ്ങൾ പുറത്തു വിടുന്ന വാർത്ത.
മരുമകനും മുഖ്യ ഉപദേശകനുമായ ജെറാർഡ് കുഷ്‌നർ വൈറ്റ് ഹൗസിൽ എത്തി ട്രംപുമായി സംസാരിച്ചതിന് പിന്നാലെയാണ് മെലാനിയ ട്രംപിന്‍റെ ഇടപെടൽ. വിഷയത്തിൽ പരസ്യ പ്രതികരണം നടത്താൻ മെലാനിയ തയ്യാറായിട്ടില്ല. ട്രംപ് വൈറ്റ് ഹൗസിൽ നിന്ന് ഇറങ്ങിയാൽ ഉടൻ മെലാനിയ വിവാഹ മോചനം ആവശ്യപ്പെടുമെന്ന് കഴിഞ്ഞ ദിവസം അമേരിക്കൻ മാധ്യമങ്ങൾ റിപ്പോർട്ട് ചെയ്‌തിരുന്നു.
ദമ്പതിമാരുടെ 15 വർഷം നീണ്ട വിവാഹ ബന്ധം അവസാനിച്ചു കഴിഞ്ഞു എന്നാണ് വൈറ്റ് ഹൗസിലെ ഓഫീസ് ഓഫ് പബ്ലിക്ക് ലെയ്‌സൺ മുൻ കമ്യുണിക്കേഷൻസ് ഡയറക്ക്റ്റർ ഒമറോസ മണിഗോൾട്ട് ന്യൂമാൻ പറയുന്നത്. ട്രംപ് വൈറ്റ് ഹൗസിൽ നിന്ന് ഇറങ്ങുന്നതിനു വേണ്ടി മെലാനിയ നിമിഷങ്ങളെണ്ണി കാത്തിരിക്കുകയാണ് എന്നും റിപ്പോർട്ടിൽ പറയുന്നു.
ട്രംപ് വൈറ്റ് ഹൗസിൽ തുടരുന്ന കാലത്തോളം അപമാനം സഹിച്ച് മുന്നോട്ടു പോകാൻ ആണ് മെലാനിയ ശ്രമിച്ചത്. ട്രംപ് പ്രതികാരം ചെയ്യുമോ എന്ന് അവർ ഭയപ്പെടുന്നു. മിനിറ്റുകൾ എണ്ണി അവർ വിവാഹ മോചനത്തിനായി കാത്തിരിക്കുകയാണ് എന്നും ന്യൂമാൻ പറയുന്നു. 2017 ൽ ട്രംപുമായുള്ള അഭിപ്രായ ഭിന്നതയെ തുടർന്ന് രാജിവച്ചയാളാണ് ന്യൂമാൻ.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: