സാഹസിക വിനോദ സഞ്ചാര കേന്ദ്രത്തിൽ യന്ത്രത്തിൽ കുടുങ്ങി യുവതിയുടെ കൈവിരൽ അറ്റു

പ്രതീകാത്മക ചിത്രം

ഇടുക്കി: സാഹസിക വിനോദ സഞ്ചാര കേന്ദ്രത്തിലെ യന്ത്രത്തിൽ കുടുങ്ങി യുതിയുടെ കൈവിരൽ അറ്റു. ഇടുക്കി എല്ലക്കൽ പോത്തുപാറയിലെ സ്വകാര്യ വിനോദ സഞ്ചാര കേന്ദ്രത്തിലാണ് അപകടം നടന്നത്. തമിഴ്നാട് ചെന്നെ സ്വദേശി ഷർമിള ബാനു (32)വിന്‍റെ കൈവിരലാണ് അറ്റുപോയത്.

ഇവരെ അടിമാലിയിലെ താലൂക്ക് ആശുപത്രിയിലും തുടർന്ന് തൊടുപുഴയിലെ സ്വകാര്യ ആശുപത്രിയിലും പ്രവേശിപ്പിച്ചു. പോത്തുപാറയിൽ പ്രവർത്തിക്കുന്ന റോളർ കോസ്റ്റർ സംവിധാനം ഉള്ള സിപ്പ് ലൈൻ സെന്‍ററിലാണ് അപകടം നടന്നത്. 

മൂന്നാർ സന്ദർശനത്തിന് ചെന്നെയിൽ നിന്നെത്തിയ ഷർമിള ഉൾപ്പെടെയുളള ടീം സിപ് ലൈനിൽ കയറുകയും സവാരിക്കിടെ പേടിച്ച് ഇരുമ്പ് വടത്തിൽ കയറി പിടിക്കുകയുമായിരുന്നു. 

Join Our Whats App group

https://chat.whatsapp.com/HN3zUlGc2Va9613524dFBp

ഭാര്യയുടെ സ്വകാര്യ ഭാഗത്ത് ആസിഡ് ഒഴിച്ച് ഭർത്താവ് 

പൂനെ: ഭാര്യയുടെ സ്വകാര്യ ഭാഗത്ത് ആസിഡ് ഒഴിച്ച് ഭർത്താവ്. പൂനെയിലാണ് ഞെട്ടിക്കുന്ന സംഭവം ഉണ്ടായിരിക്കുന്നത്. സ്വകാര്യ ഭാഗത്ത് പരുക്കേറ്റ യുവതിയെ ആശുപത്രിയിൽ പോകാനും ഭർത്താവ് അനുവദിച്ചില്ല. ഏപ്രിൽ 20ന് പൂനെ റൂറൽ പരിധിയിലെ ഉറുളി കാഞ്ചൻ പ്രദേശത്താണ് കേസിനാസ്പദമായ സംഭവം ഉണ്ടായത്.

ഫ്‌ളോര്‍ ക്ലീനിങ് ആസിഡാണ് ഇയാൾ ഭാര്യയുടെ സ്വകാര്യ ഭാഗത്ത് ഒഴിച്ചത്. ക്രൂരമായ പീഡനത്തിന് ശേഷം, ചികിത്സയ്ക്കായി ആശുപത്രിയില്‍ പോകാന്‍ ഇയാള്‍ ഭാര്യയെ അനുവദിച്ചില്ല. സംഭവം പൊലീസില്‍ അറിയിച്ചാല്‍ ഗുരുതരമായ പ്രത്യാഘാതങ്ങള്‍ നേരിടേണ്ടിവരുമെന്ന് ഭീഷണിപ്പെടുത്തുകയും ചെയ്തു. 

ഒരു മാസത്തോളം കഴിഞ്ഞാണ് സംഭവം പുറം ലോകം അറിയുന്നത്. വെല്‍ഡറായി ജോലി ചെയ്യുന്ന ഇയാള്‍ക്ക് ഭാര്യയെ സംശയമായിരുന്നു. ഏപ്രില്‍ 20ന് ജോലി കഴിഞ്ഞ് മടങ്ങിയെത്തിയ ഇയാള്‍ കടുത്ത ദേഷ്യത്തില്‍ ഭാര്യയെ ക്രൂരമായി മര്‍ദിക്കാന്‍ തുടങ്ങി. തുടര്‍ന്ന് രഹസ്യഭാഗങ്ങളില്‍ ഫ്‌ളോര്‍ ക്ലീനിങ് ആസിഡ് ഒഴിക്കുകയും വിവരം പുറത്തുപറഞ്ഞാല്‍ കൊന്നുകളയുമെന്ന് ഭീഷണിപ്പെടുത്തുകയും ചെയ്തു.

ഇരയായ സ്ത്രീ പലതവണ അപേക്ഷിച്ചിട്ടും ചികിത്സ തേടാന്‍ ഭര്‍ത്താവ് അനുവദിച്ചില്ല. അടുത്തിടെ സോലാപൂര്‍ ജില്ലയിലുള്ള സ്വന്തം മാതാപിതാക്കളുടെ അടുത്തെത്തി താന്‍ അനുഭവിച്ച ക്രൂരതകള്‍ തുറന്നുപറഞ്ഞതോടെയാണ് സംഭവം പുറംലോകമറിഞ്ഞത്.