റിയാദ്: സൗദിയിലുണ്ടായ വൻ തീ പിടുത്തത്തിൽ മലയാളി അടക്കം 10 പേർ മരിച്ചതായി വിവരം. കിഴക്കൻ പ്രവിശ്യയായ അൽ ഹസയിലാണ് വൻ തീ പിടുത്തമുണ്ടായത്. മരിച്ചവരിൽ അഞ്ച് പേർ ഇന്ത്യക്കാരാണെന്നാണ് പുറത്ത് വരുന്ന വിവരം.
ഹുഫൂഫിൽ ഇൻഡസ്ട്രിയല് മേഖലയിലെ ഒരു വർക്ക്ഷോപ്പിലാണ് വൈകിട്ടോടെ തീപിടുത്തമുണ്ടായത്. വർക്ക്ഷോപ്പ് ജീവനക്കാരായ 10 പേരാണ് മരിച്ചതെന്ന് ദൃക്സാക്ഷികൾ പറയുന്നു.
എട്ട് പേരുടെ മൃതദേഹങ്ങള് തിരിച്ചറിഞ്ഞവയില് അഞ്ച് പേര് ഇന്ത്യക്കാരും മൂന്ന് പേര് ബംഗ്ലാദേശ് പൗരന്മാരുമാണ്. മരിച്ചവരില് ഒരാള് മലയാളിയാണെന്നാണ് സൂചന. എന്നാല് ഇദ്ദേഹത്തിന്റെ പേരുവിവരങ്ങളും മറ്റും പുറത്ത് വന്നിട്ടില്ല. ബാക്കിയുള്ള രണ്ട് പേരെ കൂടി തിരിച്ചറിയാനുണ്ട്. തീപിടുത്തത്തിന്റെ കാരണം സംബന്ധിച്ച കൂടുതല് വിവരങ്ങള് പുറത്ത് വന്നിട്ടില്ല.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L2USinQQ81H1Nq4VBIiX94
Post A Comment: