തിരുവനന്തപുരം: മൺസൂൺ ബംപറിന്റെ ഒന്നാം സമ്മാനമായ 10 കോടി ലഭിച്ചത് ഹരിത കർമ സേനാംഗങ്ങൾ ചേർന്നെടുത്ത ടിക്കറ്റിന്. ഒൻപത് ഹരിത കർമ സേനാംഗങ്ങൾ ചേർന്നെടുത്ത ടിക്കറ്റിനാണ് സമ്മാനം അടിച്ചത്.
ബംപറിച്ച ഭാഗ്യവാന്മാര് പരസ്യമായി രംഗത്തുവരാതിരുന്നതിനെ തുടര്ന്നാണ് മണ്സൂണ് ബംപര് ആര്ക്ക് എന്ന തരത്തില് ചോദ്യങ്ങള് ഉയര്ന്നത്. പാലക്കാടുള്ള കാജാ ഹുസൈന് എന്ന ഏജന്റ് വിറ്റ MB 200261 നമ്പര് ടിക്കറ്റിനാണ് ഒന്നാം സമ്മാനം ലഭിച്ചത്.
കുറ്റിപ്പുറത്തെ വില്പനക്കാരന് കൈമാറിയ ടിക്കറ്റിനാണ് സമ്മാനമെന്നാണ് കാജാ ഹുസൈന് മാധ്യമങ്ങളോട് പ്രതികരിച്ചത്. പത്തു ലക്ഷം വീതം അഞ്ചുപേര്ക്കാണ് രണ്ടാം സമ്മാനം.
MA 475211, MB 219556, MC 271281, MD 348108, ME 625250 എന്നി ടിക്കറ്റുകള്ക്കാണ് രണ്ടാം സമ്മാനം അടിച്ചിരിക്കുന്നത്. തിരുവനന്തപുരം ഗോര്ക്കി ഭവനിലാണ് നറുക്കെടുപ്പ് നടന്നത്. പാലക്കാട്ടെ ന്യൂ സ്റ്റാര് ഏജന്സിയില് നിന്നാണ് പത്ത് കോടിയുടെ ഒന്നാം സമ്മാനാര്ഹമായ ടിക്കറ്റ് കുറ്റിപ്പുറത്തെ കച്ചവടക്കാരന് കൈമാറിയത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L2USinQQ81H1Nq4VBIiX94
കാണാതായ ആളെ കൊന്ന് കുഴിച്ചുമൂടിയെന്ന് സംശയം
പത്തനംതിട്ട: ഒന്നര വർഷം മുമ്പ് പത്തനംതിട്ടയിൽ നിന്നും കാണാതായ ആളെ കൊന്ന് കുഴിച്ചുമൂടിയതാണെന്ന് സംശയം. പത്തനംതിട്ട കലഞ്ഞൂര്പാടം സ്വദേശി നൗഷാദിനെയാണ് കാണാതായത്. സംഭവത്തിൽ നൗഷാദിന്റെ ഭാര്യയെ പൊലീസ് കസ്റ്റഡിയിലെടുത്തിട്ടുണ്ടെന്നാണ് വിവരം.
മൃതദേഹം കുഴിച്ച് മൂടിയെന്ന് കരുതുന്ന പറക്കോട് പരുത്തിപ്പാറയില് പൊലീസ് ഉടന് പരിശോധന നടത്തും. 2021 നവംബറിലാണ് നൗഷാദിനെ കാണാനില്ലെന്ന പരാതിയില് പൊലീസ് കേസെടുത്തത്.
നൗഷാദിന്റെ പിതാവ് നല്കിയ പരാതിയിലാണ് പൊലീസ് അന്ന് എഫ്ഐആര് രജിസ്റ്റര് ചെയ്തത്. ഈ കേസിലെ തുടരന്വേഷണത്തിനിടെ ഭാര്യയെ ചോദ്യം ചെയ്തപ്പോള് പൊലീസിന് ചില തോന്നിയ സംശയങ്ങളില് നിന്നാണ് കേസില് വഴിത്തിരിവ് ഉണ്ടാകുന്നത്. ഭാര്യയുടെ മൊഴിയില് വൈരുദ്ധ്യമുണ്ടെന്നാണ് പൊലീസ് പറയുന്നത്.
നൗഷാദിനെ കൊന്ന് മൃതദേഹം കുഴിച്ച് മൂടിയെന്നും പുഴയിലെറിഞ്ഞുവെന്നും ഭാര്യ പരസ്പര വിരുദ്ധമായ മൊഴി നല്കിയെന്ന് പൊലീസ് പറയുന്നു. നിലവില് ഭാര്യ നല്കിയ മൊഴിയുടെ അടിസ്ഥാനത്തില് പറക്കോട് പരുത്തിപ്പാറയില് പൊലീസ് ശാസ്ത്രീയ പരിശോധന നടത്താന് ഒരുങ്ങുകയാണ്.
Post A Comment: