ഖേലോ ഇന്ത്യ യൂണിവേഴ്‌സിറ്റി ഗെയിംസ് കിരീടം ജെയിന്‍ യൂണിവേഴ്‌സിറ്റിക്ക്

ബംഗളൂരു: ഖേലോ ഇന്ത്യ യൂണിവേഴ്സിറ്റി ഗെയിംസ് കിരീടം ജെയിന്‍ ഡീംഡ് ടു ബി യൂണിവേഴ്സിറ്റിക്ക്. 20 സ്വര്‍ണമടക്കം 32 മെഡലുകള്‍ നേടിയാണ് ആതിഥേയരായ ജെയിന്‍ യൂണിവേഴ്സിറ്റി കിരീടം സ്വന്തമാക്കിയത്. 20 സ്വര്‍ണം, 7 വെള്ളി, 5 വെങ്കല മെഡലുകള്‍ ജെയിന്‍ നേടി. 17 സ്വര്‍ണവും, 15 വെള്ളിയും, 19 വെങ്കലവുമായി ലൗലി പ്രഫഷണല്‍ യൂണിവേഴ്സിറ്റി രണ്ടാം സ്ഥാനവും, 15 സ്വര്‍ണവും, 9 വെള്ളിയും, 27 വെങ്കലവുമായി പഞ്ചാബ് യൂണിവേഴ്സിറ്റി മൂന്നാം സ്ഥാനവും സ്വന്തമാക്കി.

97 റെക്കോര്‍ഡുകളാണ് ഗെയിംസില്‍ തിരുത്തപ്പെട്ടത്. ഭാരോദ്വഹനത്തില്‍ 42 ഉം, പൂളില്‍ 28 ഉം, അത്ലറ്റിക്സില്‍ 23 ഉം റെക്കോര്‍ഡുകളാണ് കൂട്ടിച്ചേര്‍ത്തത്. 9 സ്വര്‍ണവും 2 വെള്ളിയും നേടിയ ജെയിനിന്റെ നീന്തല്‍ താരം ശിവ ശ്രീധര്‍ ഗെയിംസിലെ റണ്ണവേ അത്‌ലെറ്റായി. മറ്റൊരു നീന്തല്‍ താരമായ ഒളിമ്പ്യന്‍ ശ്രീഹരി നടരാജ് മൂന്ന് സ്വര്‍ണം നേടി. ജെയിനിന്റെ തന്നെ വനിത നീന്തല്‍ താരം ശ്രുതി ബന്ദേക്കര്‍ നാല് സ്വര്‍ണവും, ഒരു വെള്ളിയും നേടി വ്യക്തിഗത ചാമ്പ്യനായി.

ബംഗലൂരു ശ്രീകണ്ഠീരവ ഇന്‍ഡോര്‍ സ്‌റ്റേഡിയത്തില്‍ നടന്ന ഗെയിംസിന്‍റെ സമാപനച്ചടങ്ങ് കേന്ദ്ര ആഭ്യന്തരമന്ത്രി അമിത് ഷാ ഉദ്ഘാടനം ചെയ്തു. കേന്ദ്ര സ്‌പോര്‍ട്‌സ് മന്ത്രി അനുരാഗ് ഠാക്കുര്‍, കര്‍ണാടക മുഖ്യമന്ത്രി ബസവരാജ് ബൊമ്മൈ, ഉന്നത വിദ്യാഭ്യാസ മന്ത്രി സി.എന്‍. അശ്വത് നാരായന്‍ തുടങ്ങിയവര്‍ പങ്കെടുത്തു.

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/FF0xDFkXUCP3KCh6lyqbO4

ജെസിബി ടയർ പൊട്ടിത്തെറിച്ച് രണ്ട് പേർ മരിച്ചു 

റായ്‌പൂർ: കാറ്റ് നിറക്കുന്നതിനിടെ ജെ.സി.ബിയുടെ ടയർ പൊട്ടിത്തെറിച്ച് രണ്ട് തൊഴിലാളികൾ മരിച്ചു. ചത്തീസ്ഗഡിലെ റായ്പൂർ ജില്ലയിലാണ് അപകടം നടന്നത്. ജെസിബിയുടെ ടയറിൽ കാറ്റ് നിറക്കാൻ വർക്ക് ഷോപ്പിൽ എത്തിച്ചപ്പോഴായിരുന്നു അപ്രതീക്ഷിത അപകടം. സംഭവത്തിന്‍റെ സിസി ടിവി ദൃശ്യങ്ങൾ പുറത്തു വന്നിട്ടുണ്ട്. 

ഒരു തൊഴിലാളി ജെസിബിയുടെ ടയർ ഊരി നിലത്തിട്ട ശേഷം അതിനു നടുവിലിരുന്ന് കാറ്റ് നിറക്കുന്നത് വീഡിയോയിൽ വ്യക്തമാണ്. സമീപത്ത് മറ്റുചിലർ ഉണ്ടായിരുന്നെങ്കിലും ഇവർ അപകടത്തിനു തൊട്ടു മുമ്പ് ഇവിടെ നിന്നും മാറുന്നുണ്ട്. ഇതിനിടെ കാറ്റു നിറച്ചു കൊണ്ടിരുന്ന ടയറിൽ മറ്റൊരു തൊഴിലാളി തട്ടി നോക്കിയതോടെ ടയർ പൊട്ടിത്തെറിക്കുകയായിരുന്നു.

ഇതോടെ രണ്ട് തൊഴിലാളികളും ദൂരേക്ക് തെറിച്ചു പോയി. ഗുരുതരമായി പരുക്കേറ്റ ഇരുവരും മരണത്തിനു കീഴടങ്ങുകയായിരുന്നുവെന്നാണ് റിപ്പോർട്ട്. മധ്യപ്രദേശിലെ റേവ ജില്ലയിൽ നിന്നുള്ളവരാണ് മരിച്ചതെന്നാണ് വിവരം. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.