കട്ടപ്പന: രാജ്യ പുരോഗതി നിയന്ത്രിക്കുന്നതില്‍ കര്‍ഷകരുടെ പങ്ക് വളരെ വലുതാണെന്ന് ചലചിത്ര താരം ജഗദീഷ്. ചേറ്റുകുഴി ഹോര്‍ട്ടി റിസര്‍ച്ച് സെന്‍റര്‍ സംഘടിപ്പിച്ച കര്‍ഷക ശ്രേഷ്ഠ അവാര്‍ഡ് ദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ചേറ്റുകുഴി വൈറ്റ് ഹൗസ് ഓഡിറ്റോറിയത്തിലായിരുന്നു പരിപാടി സംഘടിപ്പിച്ചത്.
അവാര്‍ഡ് ദാനത്തിന് മുന്നോടിയായി പാമ്പാടുംപാറ ഏലം ഗവേഷണ കേന്ദ്രം മേധാവി എം. മുരുകന്‍ കാലാവസ്ഥാ വ്യതിയാനവും ഏലത്തിന്‍റെ ഉല്‍പാദന ക്ഷമതയും എന്ന വിഷയത്തില്‍ സെമിനാര്‍ നടത്തി. അഞ്ച് ഏക്കറില്‍ താഴെ കൃഷിയിടമുള്ള മികച്ച ഏലക്കര്‍ഷകര്‍, രണ്ട് സെന്‍റില്‍ താഴെ പച്ചക്കറി കൃഷി ചെയ്യുന്ന ജൈവ പച്ചക്കറി കര്‍ഷകര്‍, യുവ കര്‍ഷകര്‍, വയോധിക കര്‍ഷകര്‍, സമ്മിശ്ര കര്‍ഷകര്‍, സാഹസിക കര്‍ഷകര്‍ എന്നിവര്‍ക്ക് ക്യാഷ് അവാര്‍ഡും ഫലകവും നല്‍കി ആദരിച്ചു.
ചടങ്ങില്‍ വച്ച് ദുരിതമനുഭവിക്കുന്ന രോഗികള്‍ക്കുള്ള പ്രത്യേക ധനസഹായവും വിതരണം ചെയ്തു. അവാര്‍ഡ് കമ്മിറ്റി ചെയര്‍മാന്‍ ഫാ. ജോര്‍ജ് മണ്ഡപത്തില്‍ അധ്യക്ഷത വഹിച്ചു. പി.കെ. രമേശ്, കെ.ആര്‍. സോദരന്‍, കെ. കുമാര്‍, അബ്ദുള്‍ ഗഫുള്‍, ബേബിച്ചന്‍ ആക്കാട്ടുമുണ്ടയില്‍ എന്നിവര്‍ പ്രസംഗിച്ചു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/LwxQCnE4tEd45HaJUZ6lxl
Post A Comment: