ന്യൂഡല്ഹി: മുൻ ബിജെപി എം.എൽ.എ കുൽദീപ് സെൻഗാർ ഉന്നാവോ ബലാത്സംഗ കേസിൽ കുറ്റക്കാരനാണെന്ന് ഡെൽഹി തീസി ഹസാരി കോടതി. സെന്ഗറിന്റെ ശിക്ഷാവിധി വ്യാഴാഴ്ച്ച പ്രഖ്യാപിക്കും. ജഡ്ജി ധര്മേന്ദ്ര കുമാറാണ് ഉന്നാവോ കേസിലെ വിധി പ്രസ്താവിച്ചത്. 2017-ല് എംഎല്എയായിരിക്കെ ജോലി വാഗ്ദാനം ചെയ്ത് യുവതിയെ കുല്ദീപ് സെന്ഗാര് വിളിച്ച് വരുത്തി തട്ടിക്കൊണ്ടുപോയി ബലാത്സംഗത്തിന് ഇരയാക്കി എന്നതാണ് കേസ്. കേസിലെ ഒന്പത് പ്രതികളില് ഒരാളെ കോടതി വെറുതെവിട്ടു.
ശശി സിംഗ് എന്ന പ്രതിയെയാണ് വെറുതെ വിട്ടത്. ഓഗസ്റ്റ് അഞ്ച് മുതലാണ് കേസ് ഡല്ഹിയിലെ പ്രത്യേക കോടതി വിചാരണയ്ക്ക് എടുത്തത്. തുടർച്ചയായി ദിവസം തോറും വാദം കേട്ട ശേഷമാണ് കേസിൽ കോടതി വിധി പ്രസ്താവിച്ചത്. കുറ്റകരമായ ഗൂഢാലോചന (120 ബി), തട്ടിക്കൊണ്ടുപോകൽ (363), (366) തട്ടിക്കൊണ്ടുപോയി വിവാഹം കഴിക്കാൻ സമ്മർദ്ദം ചെലുത്തൽ, (376) ബലാത്സംഗം, പോക്സോ എന്നീ വകുപ്പുകൾ ചുമത്തിയാണ് ബിജെപി എംഎൽഎയ്ക്ക് എതിരെ കേസ് റജിസ്റ്റർ ചെയ്തിരിക്കുന്നതും കുറ്റപത്രം നൽകിയിരിക്കുന്നതും.
ജൂലൈ 28നായിരുന്നു റായ്ബറേലിയില്വെച്ച് പെണ്കുട്ടിയും അഭിഭാഷകനും സംഘവും സഞ്ചരിച്ച കാറില് ട്രക്കിടിച്ച് അപകടമുണ്ടായത്. പെണ്കുട്ടിയുടെ ബന്ധുക്കള് അപകടത്തില് മരിച്ചിരുന്നു. നമ്പര് മറച്ച ട്രക്ക് അമിതവേഗത്തിലെത്തി കാറിലിടിക്കുകയായിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: