മുംബൈ: ഓടിക്കൊണ്ടിരിക്കുന്ന ട്രെയിനിൽ അഭ്യാസം നടത്തുന്നതിനിടെ യുവാവിന് ദാരുണാന്ത്യം. മഹാരാഷ്ട്രയിലെ താനെ ജില്ലയിലാണ് സംഭവം. ട്രെയിനിന്റെ വാതിൽ നിന്നും പുറത്തേക്ക് തലയിട്ട് വിഡിയോ റെക്കോർഡ് ചെയ്യുമ്പോഴായിരുന്നു അപകടം. ദിൽഷാദ് നൗഷാദ് ഖാൻ എന്ന 24കാരനാണ് മരിച്ചത്. സാഹസിക യാത്രയുടെ ദൃശ്യങ്ങൾ ട്രെയിനിന്റെ ജനലിനോട് ചേർന്നിരുന്ന് സുഹൃത്താണ് റെക്കോർഡ് ചെയ്തത്.
ട്രെയിനിന്റെ വാതിലില് പിടിച്ച് പുറത്തേക്ക് ആഞ്ഞ് നിന്നായിരുന്നു യുവാവിന്റെ യാത്ര. പെട്ടെന്ന് ട്രാക്കിലെ തൂണിലിടിച്ച് ഇയാൾ ട്രെയിനുള്ളിലേക്ക് തെറിച്ച് വീഴുകയായിരുന്നു. ഉടൻ തന്നെ സുഹൃത്ത് ചങ്ങല വലിച്ച് ട്രെയിൻ നിർത്തി. യുവാവിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആംബുലൻസ് ഡ്രൈവറായി ജോലി ചെയ്തു വരികയായിരുന്നു ദിൽഷാദ്. റയിൽവെ മന്ത്രാലയവും ഈ വിഡിയോ ട്വിറ്ററിൽ പങ്കുവച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: