കൊച്ചി: ലിവിങ് ടുഗദർ പങ്കാളിക്കെതിരെ ഗുരുതര ആരോപണവുമായി നടിയും ട്രാൻസ്ജെൻഡറുമായ അഞ്ജലി അമീർ. പങ്കാളി തന്നെ ഭീഷണിപ്പെടുത്തിയെന്ന ആരോപണവുമായി അഞ്ജലി ഫെയ്സ് ബുക്ക് ലൈവിലാണ് ആരോപണം ഉന്നയിച്ചത്. ഒരുമിച്ചു ജീവിച്ചില്ലെങ്കില് വധിക്കുമെന്നും മുഖത്ത് ആസിഡ് ഒഴിക്കുമെന്നും ഭീഷണി മുഴക്കിയെന്ന് അഞ്ജലി പറയുന്നു.
കോഴിക്കോട് കൊടുവള്ളി കിഴക്കോത്ത് സ്വദേശി വി.സി അനസിനെതിരെയാണ് അഞ്ജലി അമീറിന്റെ ആരോപണം. ഒട്ടും താത്പര്യമില്ലാതെയാണ് അനസുമൊത്ത് ഇത്രയും കാലം കഴിഞ്ഞതെന്ന് അഞ്ജലി പറയുന്നു. തന്നെ പല വിധത്തില് അയാള് വഞ്ചിച്ചെന്നും നാലു ലക്ഷം രൂപ തരാനുണ്ടെന്നും അഞ്ജലി ആരോപിച്ചു.
താന് ആത്മഹത്യയുടെ വക്കിലാണെന്നും എന്തെങ്കിലും സംഭവിച്ചാല് അയാള് മാത്രമാകും ഉത്തരവാദിയെന്നും അഞ്ജലി പറഞ്ഞു. പൊലീസിലും വനിതാ കമ്മീഷനിലും പരാതി നല്കിയതായും അഞ്ജലി അമീര് വ്യക്തമാക്കുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: