ന്യൂഡൽഹി: രാംലീലയിൽ നടക്കാനിരിക്കുന്ന മെഗാ റാലിയിൽ പ്രധാനമന്ത്രി നരേന്ദ്ര മോദിയെ ലക്ഷ്യമിട്ട് പാക് ഭീകരൻ ആക്രമണം ആസൂത്രണം ചെയ്യുന്നതായി രഹസ്യാന്വേഷണ ഏജൻസി. ഈ മാസം 22നാണ് രാംലീലയിൽ മോദി പങ്കെടുക്കുന്ന മെഗാറാലി നടക്കുന്നത്. ഡൽഹിയിലെ കോളനികളുമായി ബന്ധപ്പെട്ടാണ് റാലി.
ഇതിനിടെ ആക്രമണം നടന്നേക്കുമെന്നാണു മുന്നറിയിപ്പ്. രഹസ്യാന്വേഷണ ഏജൻസികൾ ഇതു സംബന്ധിച്ചു ഡൽഹി പൊലീസിനും എസ്പിജിക്കും വിവരങ്ങൾ കൈമാറിയിട്ടുണ്ട്. ജയ്ഷെ മുഹമ്മദിന്‍റെ നേതൃത്വത്തിലാണു മോദിയെ ലക്ഷ്യമിടുന്നതെന്നാണു ഏജൻസികൾ പറയുന്നത്.
ബിജെപി റാലിക്കായി ആയിരങ്ങൾ എത്തുമെന്നാണു കരുതപ്പെടുന്നത്. ഡൽഹി പൊലീസും എസ്പിയുമാണു രാംലീലയിൽ മോദിയുടെ സുരക്ഷ ഒരുക്കുന്നത്. മോദിക്കൊപ്പം ബിജെപി ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാരും റാലിയിൽ പങ്കെടുക്കും.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: