വാഹനം പാഞ്ഞു കയറി; രണ്ട് ശബരിമല തീർഥാടകർ മരിച്ചു

ഇടുക്കി: അയ്യപ്പഭക്‌തൻമാർ സഞ്ചരിച്ചിരുന്ന ബസ് നിർത്തിയിട്ട തീർഥാടകരുടെ വാഹനത്തിലേക്ക് ഇടിച്ചു കയറി രണ്ട് പേർ മരിച്ചു. കുട്ടിക്കാനം- മുണ്ടക്കയം റൂട്ടിൽ പെരുവന്താനത്തിനു സമീപമായിരുന്നു ദുരന്തമുണ്ടായത്. ആന്ധ്രാ കർണൂർ ജില്ലയിൽ നിന്നുള്ള യാഗേൽ ടി. ഈശ്വരപ്പ (43), ആദിനാരായണ (45) എന്നിവരാണ് മരിച്ചത്. നിരവധി തീർഥാടകർക്ക് പരുക്കേറ്റിട്ടുണ്ട്.  

വാഹനം ഇടിച്ചു കയറിയതോടെ മതിലിനും വാഹനത്തിനും ഇടയിൽപെട്ട് ചതഞ്ഞരഞ്ഞാണ് രണ്ട് പേർ മരിച്ചത്. വ്യാഴാഴ്ച്ച ഉച്ചയ്ക്ക് 1.15 ഓടെ പെരുവന്താനത്തിനു സമീപം അമലഗിരിയിലായിരുന്നു അപകടം. അമലഗിരിയിൽവച്ച് തീർഥാടകർ സഞ്ചരിച്ച ട്രാവലർ വാഹനം കാറുമായി കൂട്ടിയിടിച്ചിരുന്നു. 

ഇതിനെ തുടർന്ന് ട്രാവലർ നിർത്തിയ തീർഥാടകർ വാഹനത്തിനു പുറത്തു നിന്ന് ഇക്കാര്യത്തിൽ സംസാരിക്കുകയായിരുന്നു. ഈ സമയത്ത് കുട്ടിക്കാനം ഭാഗത്തു നിന്നും ഭക്തരുമായി വന്ന ബസ് എതിരെ വന്ന ലോറിയുമായി കൂട്ടിയിടിക്കുന്നത് ഒഴിവാക്കാനായി വെട്ടിച്ചപ്പോൾ നിർത്തിയിട്ടിരുന്ന ട്രാവലറിൽ ഇടിക്കുകയായിരുന്നു. പുറത്ത് നിന്ന തീർഥാടകർ വാഹങ്ങൾക്കും മതിലിനും ഇടയിൽപെട്ട് ചതഞ്ഞരഞ്ഞു. 

ബസിലും ട്രാവലറിലുമുണ്ടായിരുന്ന ആറോളം തീർഥാടകർക്ക് പരുക്കേറ്റിട്ടുമുണ്ട്. മൃതദേഹങ്ങൾ കാഞ്ഞിരപ്പള്ളി താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. അപകടത്തെ തുടർന്ന് ദേശീയ പാതയിൽ ഏറെ നേരം ഗതാഗതം തടസപ്പെട്ടു. സ്ഥലത്തെത്തിയ പെരുവന്താനം പൊലീസും ഹൈവേ പൊലീസുമാണ് രക്ഷാ പ്രവർത്തനത്തിനു നേതൃത്വം നൽകിയത്. അതേസമയം തീർഥാടന കാലം ആരംഭിച്ചപ്പോൾ തന്നെ മുണ്ടക്കയം- കുമളി റൂട്ടിൽ അപകടങ്ങൾ വർധിക്കുന്നത് ആശങ്ക ഉയർത്തുന്നുണ്ട്. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/KxwQkuDFdXP0KRUrdgxDi5

യു.കെയിൽ പഠനത്തിനായി വ്യാജ സർട്ടിഫിക്കറ്റ്

കൊച്ചി: കോവിഡാനന്തര കേരളത്തിൽ പുതുതായി സെറ്റ് ചെയ്യപ്പെട്ട ട്രെന്‍റാണ് ഉപരിപഠനത്തിനായി യു.കെ യിലേക്കും, യൂറോപ്പിലേക്കും, കാനഡ, ന്യൂസിലാന്‍റ് തുടങ്ങിയ രാജ്യങ്ങളിലേക്കുമുള്ള ഒഴുക്ക്.

ഇതിൽ പ്രധാന ആകർഷണങ്ങൾ യു.കെയും കാനഡയും തന്നെ. പാതി സമയം പഠനം, ബാക്കി സമയം ജോലി. ഒരു മാസത്തെ വരുമാനം കൊണ്ട്‌ തന്നെ നല്ലൊരു തുക സമ്പാദിക്കാം. പഠനം കഴിഞ്ഞ് സ്റ്റേ ബാക്ക് സമയത്തിനുള്ളിൽ  സ്ഥിരം ജോലി സംഘടിപ്പിച്ചാൽ അവിടെ തന്നെ നിൽക്കാം. പതിയെ വിദേശ പൗരത്വവും.

ഗൾഫ് നാടുകളിലേക്ക് ജോലിക്കായി പാലായനം ചെയ്തു ശീലിച്ച മലയാളികളുടെ പുതിയ മേച്ചിൽപ്പുറമായി  യു.കെയും മാറിയത് ഇത്തരത്തിലാണ്. 

പ്രൊഫഷണൽ യോഗ്യതയും IELTS ൽ നിശ്ചിത സ്കോർ ലെവലും ഉള്ളവർക്കല്ലാതെ ഗൾഫ് നാടുകളിലെക്കെന്നത് പോലെ ജോലിക്കായി പോകാൻ വർക്ക്‌ വിസ ലഭിക്കാറില്ല. ഇതിനെ മറികടക്കാനാണ് ഉപരിപഠന സാധ്യതയിലൂടെ ഈ മൈഗ്രേഷൻ, വിവാഹിതരാണെങ്കിൽ പങ്കാളിയേയും ഒപ്പം കൂട്ടാം.

എന്നാൽ മനുഷ്യ വിഭവ ശേഷി അന്യദേശങ്ങളിൽ നിന്നും ഉൾക്കൊള്ളാനായി തയ്യാറാകുന്ന യു.കെ. അടക്കമുള്ള രാജ്യങ്ങൾ ഉപരിപഠനത്തിന് വിദേശ വിദ്യാർഥികൾക്ക് നൽകുന്ന ഇളവുകൾ അടക്കം ദുരുപയോഗിച്ച് കൊണ്ട് വ്യാജ സർട്ടിഫിക്കറ്റും രേഖകളും ഉപയോഗിച്ചു തലയെണ്ണി ആളെ കയറ്റി വിട്ട് ലക്ഷങ്ങൾ കൊയ്യുന്ന തട്ടിപ്പ് കോൺസൾട്ടൻസി സ്ഥാപനങ്ങൾ കേരളത്തിൽ കൂണുകൾ പോലെ മുളച്ചു പൊന്തുകയാണ്.

ഇതിനെതിരെ ജാഗ്രത പാലിക്കേണ്ട സർക്കാരും അധികൃതരും അനാസ്ഥ പാലിച്ചപ്പോൾ ഏതാണ്ട് നൂറോളം വിദ്യാർഥികളാണ് ഈസ്റ്റ്‌ ലണ്ടൻ യൂണിവേഴ്സിറ്റിയിൽ നിന്നും ക്രോസ് വെരിഫിക്കേഷനിൽ പിടിക്കപ്പെട്ടു പണവും നഷ്ടപ്പെട്ടു തിരികെ എത്തിയത്.

തട്ടിപ്പിന്‍റെ തുടക്കം

കേരളത്തിൽ പ്ലസ് ടു പഠിച്ച ഒരു വിദ്യാർഥിക്ക്  70  ശതമാനത്തിന് മുകളിൽഇംഗ്ലീഷിന് മാർക്കുണ്ടെങ്കിൽ യു.കെ. അടക്കം പല രാജ്യങ്ങളിലെക്കും IELTS സ്കോർ മാനദണ്ഡം പാലിക്കേണ്ടതില്ല. ഈ പഴുതുപയോഗിച്ച് ഇംഗ്ലീഷിന് മാർക്കില്ലാത്ത വിദ്യാർഥികളുടെ സർട്ടിഫിക്കറ്റ് വ്യാജമായി അച്ചടിച്ചു അതിൽ മാർക്ക്‌ തിരുത്തി ആണ് കൺസൾട്ടൻസി വിദേശത്തേക്ക് അയക്കുക. 

ഇതിനായി നിശ്ചിത ഫീയും വിദ്യാർഥിയോട് വാങ്ങും. പ്ലസ് ടു പാസ് ആയിട്ടില്ലെങ്കിലും പ്രശ്നമില്ല, ചൂടോടെ തമിഴ്നാട്ടിൽ നിന്നും യു.പിയിൽ നിന്നുമുള്ള ഏതെങ്കിലും ഹയർ സെക്കന്‍ററി ബോർഡിന്റെ സർട്ടിഫിക്കറ്റ് റെഡി, ഏജൻസി തുക വീണ്ടും കൂടുമെന്ന് മാത്രം. കൂടാതെ പോസ്റ്റ്‌ ഗ്രാജുവേഷൻ പഠിക്കണോ? ഡിഗ്രി പാസ് ആവേണ്ട, പ്ലസ്‌ ടു വിന് മാർക്കും വേണമെന്നില്ല, IELTS ഉം ആവശ്യമില്ല. വേണ്ട യോഗ്യത വ്യാജമായി തരപ്പെടുത്തി തരും.