വണ്ടിപ്പെരിയാറ്റിൽ വീണ്ടും കോവിഡ് മരണം

ഇടുക്കി: കോവിഡ് ബാധിച്ച് മെഡിക്കൽ കോളെജിൽ ചികിത്സയിലായിരുന്ന വീട്ടമ്മ മരിച്ചു. വണ്ടിപ്പെരിയാർ പോബ്സ് എസ്റ്റേറ്റ് സെക്ഷൻ ഓഫീസർ ആർ. രവികുമാറിന്‍റെ ഭാര്യ അഞ്ജലി(49)യാണ് മരിച്ചത്. ഇടുക്കി മെഡിക്കൽ കോളെജിൽ ചികിത്സയിലായിരുന്നു.  

കോവിഡ് പോസിറ്റീവ് ആയതിനെ തുടർന്ന് ആരംഭത്തിൽ വണ്ടിപ്പെരിയാറിൽ ചികിത്സയിലായിരുന്നു. ഇതോടൊപ്പം ന്യുമോണിയ ബാധിച്ചതോടെ ഇടുക്കി മെഡിക്കൽ കോളെജിൽ വെന്‍റിലേറ്ററിൽ പ്രവേശിപ്പിച്ചു. 

പത്ത് ദിവസത്തോളം വെന്‍റിലേറ്ററിൽ തുടർന്നെങ്കിലും വൃക്ക ഉൾപ്പെടെയുള്ള അവയവങ്ങൾ പ്രവർത്തനരഹിതമാകുകയും നില വഷളാകുകയും ചെയ്തു. തുടർന്ന് ബുധനാഴ്ച്ച പകൽ മരണമടയുകയായിരുന്നു. സംസ്കാരം നടത്തി. മക്കൾ: അഞ്ജന, അഭിഷേക്.

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L67XbjS4vdxJpqM0Dz7ehJ

14 കാരിയുടെ വീട്ടിൽ 17 കാരൻ ഒളിച്ചിരുന്നത് രണ്ട് ദിവസം

മുണ്ടക്കയം: സോഷ്യൽ മീഡിയ പരിചയം മുതലാക്കി 14കാരിയുടെ വീട്ടിൽ എത്തി രണ്ട് ദിവസം ഒളിച്ചു താമസിച്ച് കുട്ടിയെ പീഡിപ്പിച്ച 17 കാരൻ അറസ്റ്റിൽ. മുണ്ടക്കയത്താണ് സംഭവം നടന്നത്. പാലക്കാട് ചിറ്റൂർ സ്വദേശിയായ 17 കാരനാണ് പിടിയിലായത്. മുണ്ടക്കയം സ്വദേശിനിയാണ് പെൺകുട്ടി. 

സോഷ്യൽ മീഡിയയിലൂടെയാണ് പെൺകുട്ടിയെ 17 കാരൻ പരിചയപ്പെട്ടത്. തുടർന്ന് പീഡനത്തിനായി പദ്ധതി തയാറാക്കി. പാലക്കാട്ട് നിന്നും പെൺകുട്ടിയുടെ വീട്ടിലെത്തിയ പ്രതി രണ്ട് ദിവസം ആരുമറിയാതെ പെൺകുട്ടിയുടെ മുറിയിൽ കഴിഞ്ഞു. പ്രതിക്കുള്ള ഭക്ഷണം അടക്കം കൊണ്ടുവന്നു കൊടുത്തത് പെൺകുട്ടിയായിരുന്നു. 

രണ്ട് ദിവസത്തിനു ശേഷം തിരികെ പാലക്കാട്ടേക്ക് മടങ്ങാനായി മുറിക്ക് പുറത്തിറങ്ങിയ പ്രതിയെ പെൺകുട്ടിയുടെ മുത്തഛൻ കണ്ടതോടെയാണ് സംഭവം പുറത്തറിയുന്നത്. ആരാണെന്ന് ചോദിച്ചപ്പോൾ പെൺകുട്ടി കൂട്ടുകാരനാണെന്നാണ് മറുപടി നൽകിയത്. 

എന്നാൽ സംശയം തോന്നിയ വീട്ടുകാർ പെൺകുട്ടിയുടെ മൊബൈൽ പരിശോധിച്ചതോടെ സംഭവം പിടികിട്ടി. ഇതോടെ പൊലീസിൽ വിവരം അറിയിക്കുകയായിരുന്നു. വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ പൊലീസ് നടത്തിയ തെരച്ചിലിലാണ് പാലക്കാട്‌നിന്നും പ്രതി അറസ്റ്റിലാകുന്നത്.