ഇടുക്കി: ആനയിറങ്കലിനു സമീപം ശങ്കരപാണ്ട്യമെട്ടിൽ വീട്ടമ്മയെ കാട്ടാന ചവിട്ടിക്കൊന്നു. ചട്ടമൂന്നാർ സ്വദേശി മഹേന്ദ്രകുമാറിന്‍റെ ഭാര്യ വിജി (36) ആണ് മരിച്ചത്. ഭർത്താവ് കുമാർ ഓടി രക്ഷപെട്ടു.
മധുരയിലെ വീട്ടിൽ പോയി ബൈക്കിൽ മടങ്ങി വരുമ്പോഴാണ് ഇരുവരും കാട്ടാനക്ക് മുന്നിൽ പെട്ടത്. എസ്. വളവിൽ നിലയുറപ്പിച്ച ഒറ്റയാൻ ബൈക്ക് കണ്ടതോടെ ബൈക്കിന് അടുത്തേക്ക് കുതിച്ചെത്തി.
കുമാർ ബൈക്ക് തിരിക്കാൻ ശ്രമിച്ചെങ്കിലും റോഡിൽ മറിഞ്ഞു വീണു. ഇതിനിടെ കാട്ടാന വിജിയെ ചവിട്ടിക്കൊല്ലുകയായിരുന്നു. കുമാർ ഓടിമാറിയതിനാൽ രക്ഷപെട്ടു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
പിഞ്ചു കുഞ്ഞിനെ വെട്ടിക്കൊന്ന് അഛൻ ആത്മഹത്യ ചെയ്‌തു; വെട്ടേറ്റ ഭാര്യ ഗുരുതരാവസ്ഥയിൽ
കണ്ണൂർ: ഒൻപത് മാസം പ്രായമുള്ള കുഞ്ഞിനെയും ഭാര്യയെയും വെട്ടിയ ശേഷം യുവാവ് ജീവനൊടുക്കി. വെട്ടേറ്റ കുഞ്ഞും മരിച്ചു. ഒൻപത് മാസം പ്രായമായ ധ്യാൻ ദേവ് ആണ് മരിച്ചത്. ഏരുവേശി മുയിപ്രയിലെ സതീശൻ (31) ആണ് ആത്മഹത്യ ചെയ്‌തത്.
സതീശന്‍റെ വെട്ടേറ്റ് ഭാര്യ അഞ്ജു ഗുരുതരാവസ്ഥയിൽ ആശുപത്രിയിലാണ്. കണ്ണൂർ കുടിയാൻമലയില്‍ ഇന്ന് രാവിലെയായിരുന്നു നാടിനെ നടുക്കിയ സംഭവം. സതീശന് മാനസിക പ്രശ്നങ്ങള്‍ ഉണ്ടായിരുന്നുവെന്നും മരുന്ന് കഴിക്കുന്ന ആളാണ് എന്നുമാണ് നാട്ടുകാര്‍ പറയുന്നത്. ഏഴ് വര്‍ഷം മുമ്പാണ് സതീശും അഞ്ജുവും വിവാഹിതരായത്. ചില കുടുംബ പ്രശ്നങ്ങള്‍ അലട്ടിയിരുന്നതായും നാട്ടുകാര്‍ പറയുന്നു.
Post A Comment: