ചെന്നൈ: പ്രസവിക്കാൻ ഭയന്ന് നാട്ടു മരുന്നു കഴിച്ച് ഗർഭഛിദ്രത്തിനു ശ്രമിച്ച യുവതി മരിച്ചു. ചെന്നൈയിലാണ് സംഭവം. കൊരട്ടൂരില് വാടകയ്ക്ക് താമസിക്കുന്ന ഒഡിഷ സ്വദേശി പ്രതാപിന്റെ ഭാര്യ കുമാരി കഞ്ജകയാണ് (23) മരിച്ചത്. കുമാരിയും ഭർത്താവും കെട്ടിട നിർമാണ തൊഴിലാളികളായിരുന്നു. കുമാരിയുടെ മൂത്ത സഹോദരി ഈ മാസം ആദ്യം പ്രസവത്തെ തുടർന്ന് മരിച്ചിരുന്നു.
ഇതോടെയാണ് കുമാരിക്ക് പ്രസിവിക്കാൻ ഭയമായത്. തുടർന്ന് ഭര്ത്താവിനെ പോലും അറിയിക്കാതെ സ്വയം ഗര്ഭഛിദ്രം നടത്താന് യുവതി തീരുമാനിക്കുകയായിരുന്നു. ബന്ധുവായ സ്ത്രീയില്നിന്ന് ഗര്ഭം അലസിപ്പിക്കാന് സഹായം തേടി. അവരാണ് യുവതിക്ക് നാട്ടുമരുന്ന് നല്കിയത്.
മരുന്ന് കഴിച്ചുതുടങ്ങിയതോടെ അടിക്കടി യുവതിക്ക് വയറുവേദനയും മറ്റു ശാരീരികാസ്വസ്ഥതകളുമുണ്ടായിരുന്നു. എന്നാല് മരുന്നിന്റെ കാര്യം ഭര്ത്താവിനോട് പറഞ്ഞിട്ടില്ലാത്തതിനാല് ആരോഗ്യ പ്രശ്നങ്ങള് യുവതി മറച്ചുവെച്ചു.
കഴിഞ്ഞദിവസം വീട്ടില് കുഴഞ്ഞുവീണപ്പോഴാണ് കുമാരിയെ ഭര്ത്താവ് ആദ്യം സ്വകാര്യ ആശുപത്രിയിലും പിന്നീട് വിദഗ്ധ ചികിത്സയ്ക്കായി കില്പ്പോക്ക് ഗവ. മെഡിക്കല് കോളേജ് ആശുപത്രിയിലേക്കും കൊണ്ടുപോയത്. പരിശോധനയില് ഗര്ഭാശയത്തില് സങ്കീര്ണമായ അണുബാധ കണ്ടെത്തി. അടിയന്തര ശസ്ത്രക്രിയ നടത്തിയെങ്കിലും യുവതിയെ രക്ഷിക്കാനായില്ല.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/HusAZsCPxMwIxKAryVG7rc
ഇടുക്കിയിൽ 14 കാരി പ്രസവിച്ചു; ബന്ധുവിനെതിരെ കേസ്
ഇടുക്കി: ആശുപത്രിയിൽ ചികിത്സ തേടിയെത്തിയ 14 കാരി പ്രസവിച്ചു. ഇടുക്കി അടിമാലി താലൂക്ക് ആശുപത്രിയിലാണ് സംഭവം ഉണ്ടായത്. ബൈസൺവാലി സ്വദേശിനിയായ പെൺകുട്ടിയാണ് കുഞ്ഞിന് ജൻമം നൽകിയത്. സംഭവത്തിൽ ആശുപത്രി അധികൃതർ അറിയിച്ചതനുസരിച്ച് അന്വേഷണം ആരംഭിച്ച പൊലീസ് കുട്ടിയുടെ ബന്ധുവാണ് ഗർഭത്തിന് ഉത്തരവാദിയെന്ന് കണ്ടെത്തിയിട്ടുണ്ട്.
രാജാക്കാട് പൊലീസാണ് കേസിൽ അന്വേഷണം നടത്തുന്നത്. പെൺകുട്ടിയുടെ മൊഴിയെടുത്തതോടെയാണ് തന്നെ ബന്ധു പീഡനത്തിനിരയാക്കിയതായി കുട്ടി പറയുന്നത്. പഠനത്തിനായി രണ്ട് വർഷമായി ബന്ധുവിന്റെ വീട്ടിലായിരുന്നു കുട്ടിയുടെ താമസം. ഈ സമയത്താണ് പീഡനം നടന്നത്.
ബന്ധുവിനെതിരെ പോക്സോ വകുപ്പ് ചുമത്തി കേസെടുത്തിട്ടുണ്ട്. ഇയാളെ കണ്ടെത്താൻ ശ്രമം തുടങ്ങിയതായും പൊലീസ് അറിയിച്ചിട്ടുണ്ട്. പെൺകുട്ടിയുടെയും കുട്ടിയുടെയും സംരക്ഷണം ജില്ലാ ശിശുസംരക്ഷണ സമിതിയും ചൈൽഡ് വെൽഫെയർ കമ്മിറ്റിയും ഏറ്റെടുത്തു.
Post A Comment: