ന്യൂഡെൽഹി: നാളുകളായി നിന്ന അഭ്യൂഹങ്ങൾക്കൊടുവിൽ സി.പി.ഐ കേന്ദ്ര നിർവാഹക സമിതി അംഗം കനയ കുമാർ നാളെ കോൺഗ്രസിൽ ചേരും. നാളെ മൂന്നിന് എഐസിസി ആസ്ഥാനത്ത് നടക്കുന്ന ചടങ്ങിൽ ജിഗ്നേഷ് മേവാനിയും കോൺഗ്രസിൽ ചേരുമെന്നാണ് വിവരം. ഇരുവരെയും പാർട്ടിയിലേക്ക് ഒരുമിച്ചാണ് സ്വാഗതം ചെയ്യുക. രാഹുൽ ഗാന്ധി അടക്കമുള്ള മുതിർന്ന നേതാക്കൾ യോഗത്തിൽ പങ്കെടുക്കും.
ജെഎൻയുവിലെ വിപ്ലവകാരിയെ ദേശീയ നിർവാഹക സമിതിയിൽ ഉൾപ്പെടുത്തിയപ്പോൾ സിപിഐ പ്രതീക്ഷിച്ചത് ഉത്തരേന്ത്യയിൽ സിപിഐയുടെയും ഇടതുപക്ഷത്തിന്റെയും ആഴത്തിലുള്ള വേരോട്ടം സാധ്യമാകുമെന്നാണ്. കഴിഞ്ഞ ലോക്സഭ തെരഞ്ഞെടുപ്പില് ബിഹാറിലെ ബെഗുസരായിയില് മത്സരിക്കാന് പാര്ട്ടി ടിക്കറ്റും നല്കി. എന്നാല് അച്ചടക്കമുള്ള പ്രവർത്തകനെ പ്രതീക്ഷിച്ച പാര്ട്ടിക്ക് മുന്നിൽ കനയ്യയെത്തിയത് പ്രശ്നങ്ങളില് നിരന്തരം കലഹിക്കുന്നയാളായാണ്.
തെരഞ്ഞെടുപ്പിലെ ഓൺലൈൻ ക്രൗഡ് ഫണ്ടിംഗ്, പാറ്റ്ന ഓഫീസ് സെക്രട്ടറിയെ മര്ദ്ദിച്ച സംഭവം അങ്ങനെ പാര്ട്ടിയുടെ നെറ്റി ചുളിച്ച സംഭവങ്ങള് പിന്നീടുണ്ടായി. ബിഹാറിലെ ഇപ്പോഴത്തെ നേതൃത്വത്തെ മാറ്റിയേ തീരൂവെന്ന കനയ്യയുടെ വാശി പാർട്ടി പ്രവർത്തകന് യോജിക്കാത്ത നിലയിലുള്ളതായാണ് സിപിഐ കണ്ടത്.
കോണ്ഗ്രസുമായി സഹകരിക്കുന്ന ദളിത് നേതാവും ഗുജറാത്ത് എംഎല്എയുമായ ജിഗ്നേഷേ് മേവാനിയുമായുള്ള സൗഹൃദമാണ് ബദല് കോണ്ഗ്രസ് എന്ന ചിന്തയിലേക്ക് കനയ്യയെ നയിച്ചത്. കോണ്ഗ്രസ് ഗുജറാത്ത് വര്ക്കിങ് പ്രസിഡന്റ് ഹാര്ദ്ദിക് പട്ടേല് മധ്യസ്ഥനായാണ് ചര്ച്ച നടത്തിയത്. രാഹുല്ഗാന്ധിയും, പ്രിയങ്കഗാന്ധിയുമായി കൂടിക്കാഴ്ചകള് നടത്തി. കോണ്ഗ്രസിലേക്ക് ഉടന് എത്താനിരിക്കുന്ന പ്രശാന്ത്കിഷോറും ചര്ച്ചകളുടെ ഭാഗമായി. അങ്ങനെയാണ് കനയ്യ കുമാറും, ജിഗ്നേഷ് മേവാനിയും കോണ്ഗ്രസിലേക്കെന്ന അഭ്യൂഹങ്ങള് ശക്തമായത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/DOjl7OJWQz6Iq6RErYpG8p
Post A Comment: