വീട്ടുമുറ്റത്ത് കളിക്കുന്നതിനിടെ പാമ്പ് കടിച്ചു; നാലര വയസുകാരി മരിച്ചു

തിരുവനന്തപുരം: വീട്ടുമുറ്റത്ത് കളിക്കുകയായിരുന്ന നാലര വയസുകാരി പാമ്പ് കടിയേറ്റ് മരിച്ചു. കാട്ടാക്കട്ട നെല്ലിക്കാട്ട് അന്നയാണ് മരിച്ചത്. വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ വീട്ടുകാർ ബോധമില്ലാതെ കിടക്കുന്ന നിലയിലാണ് കണ്ടെത്തിയത്. 

ഉടൻ തന്നെ എസ്എഐടി ആശുപത്രിയിൽ എത്തിച്ചു. ആശുപത്രിയിൽ നടത്തിയ പരിശോധനയിലാണ് പാമ്പ് കടിച്ചതായി കണ്ടെത്തിയത്. ചൊവ്വാഴ്ച്ചയായിരുന്നു സംഭവം. ചികിത്സയിലായിരുന്ന കുട്ടി ഇന്ന് വൈകിട്ടോടെയാണ് മരിച്ചത്. മരണ ശേഷം നടത്തിയ പരിശോധനയിൽ കുട്ടി കോവിഡ് പോസിറ്റീവായിരുന്നു.