ഇടുക്കി: സോഷ്യൽ മീഡിയ പരിചയം മുതലാക്കി 13 കാരിയെ രാത്രിയിൽ വീട്ടിൽ നിന്നും വിളിച്ചിറക്കി സ്വന്തം വീട്ടിലെത്തിച്ച് പീഡിപ്പിച്ച സംഭവത്തിൽ 20 വയസുകാരൻ അറസ്റ്റിൽ. വണ്ടൻമേട് പുത്തൻവീട്ടിൽ പ്രമോദിനെയാണ് വണ്ടിപ്പെരിയാർ പൊലീസ് അറസ്റ്റ് ചെയ്തത്. വണ്ടിപ്പെരിയാർ പൊലീസ് സ്റ്റേഷൻ പരിധിയിലുള്ള ഡൈമുക്ക് മേഖലയിലെ പെൺകുട്ടിയാണ് പീഡിപ്പിക്കപ്പെട്ടത്.
മൂന്നു ദിവസം മുമ്പാണ് പ്രതി പെൺകുട്ടിയെ വീട്ടിൽ നിന്നും വിളിച്ചിറക്കി ബൈക്കിൽ കൊണ്ടുപോയത്. തുടർന്ന് പെൺകുട്ടിയുടെ വീട്ടുകാർ നൽകിയ പരാതിയിൽ അന്വേഷണം നടത്തിയ വണ്ടിപ്പെരിയാർ പൊലീസ് പെൺകുട്ടിയെ കണ്ടെത്തി വൈദ്യ പരിശോധന നടത്തിയപ്പോഴാണ് പീഡന വിവരം പുറത്തു വരുന്നത്.
പെൺകുട്ടിയുമായി പ്രതി സോഷ്യൽ മീഡിയയിലൂടെയാണ് ബന്ധം സ്ഥാപിച്ചത്. തുടർന്ന് പ്രണയം നടിച്ച് പെൺകുട്ടിയെ വീട്ടിൽ നിന്നും ഇറങ്ങിവരാൻ നിർബന്ധിക്കുകയായിരുന്നു. തുടർന്ന് ബൈക്കുമായി രാത്രിയിൽ പെൺകുട്ടിയുടെ വീടിനു സമീപത്തെത്തി പെൺകുട്ടിയുമായി കടന്നു.
മൂന്നു മാസം മുമ്പാണ് പ്രതി പെൺകുട്ടിയുമായി സോഷ്യൽ മീഡിയയിൽ ബന്ധം സ്ഥാപിച്ചത്. സംഭവത്തിൽ പ്രതിക്കൊപ്പം മറ്റാരെങ്കിലും ഉണ്ടോയെന്നും പൊലീസ് അന്വേഷിക്കുന്നുണ്ട്. വണ്ടിപ്പെരിയാർ സർക്കിൾ ഇൻസ്പെക്ടറിനൊപ്പം, സബ് ഇൻസ്പെക്ടർ ജമാലുദ്ദീൻ, സി.പി.ഒ ഷിജു ജോണി, മുഹമ്മദ് ഷാ, സന്തോഷ് എന്നിവരും അന്വേഷണ സംഘത്തിലുണ്ടായിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: