കൊച്ചി: പുരാവസ്തു തട്ടിപ്പുമായി ബന്ധപ്പെട്ട് അറസ്റ്റിലായ മോൻസൺ മാവുങ്കലിനെ കുറിച്ച് ഞെട്ടിക്കുന്ന വിവരങ്ങളാണ് ഓരോ ദിവസവും പുറത്തു വരുന്നത്. മോൻസൺ തട്ടിപ്പിനു തുടക്കമിടുന്നത് വൈദികൻ ഗർഭിണിയാക്കിയ കന്യാസ്ത്രീയുടെ ഗർഭം ഏറ്റെടുത്തുകൊണ്ടാണെന്ന വെളിപ്പെടുത്തലാണ് സാമൂഹിക പ്രവർത്തകനായ ജോമോൻ പുത്തൻപുരയ്ക്കലിന്‍റെ വെളിപ്പെടുത്തൽ. ഫെയ്‌സ് ബുക്കിലൂടെയാണ് ജോമോൻ ആരോപണം ഉന്നയിച്ചത്.
ചേർത്തലയിൽ ഒരു വൈദികൻ കന്യാസ്ത്രീയെ ഗർഭിണിയാക്കിയെന്നും വൈദികനെ സഹായിക്കാൻ മോൻസൺ ഗർഭത്തിന് ഉത്തരവാദി താനാണെന്ന് പറഞ്ഞ് അത് ഏറ്റെടുക്കുകയായിരുന്നുവെന്നും ജോമോൻ പറയുന്നു. മാനം രക്ഷപെട്ട വൈദികൻ പിന്നീട് വിദേശത്ത് പോയി കോടികൾ സമ്പാദിച്ചു.
ഇതിൽ നല്ലൊരു പങ്ക് മോൻസനു പ്രതിഫലമായി കൊടുത്തെന്നും ഇതോടെയാണ് മോൻസൺ ഉയർന്ന ജീവിത നിലവാരത്തിലേക്ക് എത്തിയതെന്നും ജോമോൻ ആരോപിക്കുന്നു. 2020 ജൂലൈയിൽ മോൻസണെ കുറിച്ച് സൺഡേ ദീപികയിൽ പ്രസിദ്ധീകരിച്ച സപ്ലിമെന്‍റിന്‍റെ കോപ്പിയും ജോമോൻ പങ്കുവച്ചിട്ടുണ്ട്.
ജോമോൻപുത്തൻപുരയ്ക്കലിന്‍റെ ഫെയ്‌സ് ബുക്ക് പോസ്റ്റ്
വൈദികന്‍റെ അവിഹിത ഗർഭത്തിന്‍റെ ഉത്തരവാദിത്വം ഏറ്റെടുത്താണ്, മോൻസന്‍റെ തട്ടിപ്പിന്‍റെ തുടക്കം.*
ചേർത്തലയിൽ ഒരു വൈദികൻ, ഒരു കന്യാസ്ത്രീയെ ഗർഭിണിയാക്കിയ സംഭവം, പുറം ലോകം അറിയാതെ, ഇപ്പോളത്തെ കഥാനായകൻ പുരാവസ്തു തട്ടിപ്പുകാരൻ മോൻസൻ മാവുങ്കൽ, ആ ദിവ്യ ഗർഭത്തിന്‍റെ ഉത്തരവാദി താൻ തന്നെയാണെന്ന് പറഞ്ഞ് കൊണ്ട്, ഗർഭത്തിന്‍റെ ഉത്തരവാദിയായ വൈദികന്‍റെ മാനം രക്ഷിച്ച്, വൈദികന്‍റെ രക്ഷകനായി മാറിയാണ് മോൻസൻ ഇന്ന് ഈ നിലയിൽ എത്തിയത്.
കന്യാസ്ത്രീയെ ഗർഭിണയാക്കിയ വൈദികൻ, വിദേശത്തു പോയി കോടികൾ ഉണ്ടാക്കിയതിന് ശേഷം, അതിലൊരു നല്ല തുക മോൻസന് നൽകിയതിനെ തുടർന്നാണ്‌, ഒരു ഗതിയും ഇല്ലാത്ത മോൻസന്, നല്ല സാമ്പത്തിക ബാക്ക്ഗ്രൗണ്ട് കിട്ടിയത്.
വൈദികൻ ഗർഭിണിയാക്കിയ കന്യാസ്ത്രീയെ, മോൻസൻ പ്രേമിച്ച് കെട്ടിയെന്ന വ്യാജേനയാണ് വിവാഹം കഴിച്ചത്. യേശുവിനെ ഒറ്റികൊടുത്തതിന് യൂദാസിന് കിട്ടിയ മുപ്പത് വെള്ളിക്കാശിൽ, ഒറിജിനലായ രണ്ട് നാണയം, തന്‍റെ കൈയ്യിലുണ്ടെന്ന് പ്രചരിപ്പിക്കാൻ കഴിയുന്ന മോൻസൻ, ഒരു കഥയുണ്ടാക്കാൻ അധികം സമയം വേണ്ടന്നുള്ളതിന്, ഡോക്ടറേറ്റ് എടുത്ത പുരാവസ്തു തട്ടിപ്പുക്കാരൻ ആണെന്ന്, തെളിയിച്ച ആളാണ്. അതുകൊണ്ടാണ് അവിഹിത ഗർഭത്തിന് ഉത്തരവാദിയായ ഒരു വൈദികനെ രക്ഷിചെടുത്ത മോൻസനെ, വല്യ മഹാനായി ചിത്രീകരിച്ച് കൊണ്ട്, കഴിഞ്ഞ വർഷം ജൂലൈയിൽ നസ്രാണി ദീപിക, സൺഡേ സപ്ലിമെന്‍റ് ഇറക്കിയത്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L67XbjS4vdxJpqM0Dz7ehJ
Post A Comment: