പ്രസവ ശേഷം വയറിലുണ്ടാകുന്ന സ്ട്രെച്ച് മാർക്ക് സ്ത്രീകളെ അസ്വസ്ഥരാക്കുന്നത് പതിവാണ്. സ്ട്രെച്ച് മാർക്ക് നീക്കാൻ പല ചികിത്സാ രീതികളും ഇന്ന് നിലവിലുണ്ട്. എന്നാൽ പ്രകൃതിദന്തമായ വഴികളിലൂടെ അനായാസമായി ഈ പാടുകൾ നീക്കം ചെയ്യാനാകും. ഇത്തരത്തിലുള്ള മാർഗങ്ങൾ എന്തൊക്കെയാണെന്ന് നോക്കാം.
ചെറുനാരങ്ങ
വിറ്റാമിൻ സി അടങ്ങിയ ചെറുനാരങ്ങ സ്‌ട്രെച്ച്‌മാർക്ക് ഇല്ലാതാക്കൻ മികച്ച വഴിയാണ്. സ്ട്രെച്ച് മാർക്‌സ് ഉള്ള ഭാഗത്ത് അൽപം ചെറുനാരങ്ങ നീര് സ്ഥിരമായി പുരട്ടുന്നത് ചർമത്തിലെ ഇത്തരം പാടുകളെ ഇല്ലാതാക്കാൻ സഹായിക്കും. വേറെ ദൂഷ്യഫലങ്ങൾ ഒന്നുമില്ലാത്ത രീതിയാണ് ഇത്.
ആൽമണ്ട് ഓയിൽ
ആൽമണ്ട് ഓയിലിൽ അൽപം നാരങ്ങ നീര് മിക്‌സ് ചെയ്ത് സ്ട്രെച്ച് മാർക്‌സുള്ള ഭാഗത്ത് പുരട്ടുന്നത് നിറം മങ്ങി ചർമത്തിന് തിളക്കം നൽകാനും സഹായിക്കുന്നു. യാതൊരു വിധത്തിലുള്ള പാർശ്വഫലങ്ങളും ഇല്ലാത്ത രീതിയാണ് ഇതും.
കറ്റാർ വാഴ
കറ്റാർവാഴ നീര് പുരട്ടി നല്ലതു പോലെ മസാജ് ചെയ്യുന്നത് സ്ട്രെച്ച് മാർക്‌സിനെ ഇല്ലാതാക്കാൻ സഹായിക്കുന്നു. ഇതിലെ ആന്‍റി ഓക്‌സിഡന്‍റുകൾ, എൻസൈമുകൾ, വിറ്റാമിനുകൾ എ, സി എന്നിവയാണ് സ്ട്രെച്ച് മാർക്‌സ് അകറ്റാൻ സഹായിക്കുന്നത്.
വെളിച്ചെണ്ണ
സാധാരണയായി വീടുകളിൽ ഉപയോഗിക്കുന്ന വെളിച്ചെണ്ണയും സ്ട്രെച്ച് മാർക്ക് മാറാൻ മികച്ചതാണ്. സ്ട്രെച്ച് മാർക്‌സുള്ള ഭാഗത്ത് വെളിച്ചെണ്ണ പുരട്ടുന്നത് പാടുകൾ മാറി ചർമം കൂടുതൽ മൃദുലമായി മാറാൻ സഹായിക്കും.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L67XbjS4vdxJpqM0Dz7ehJ
Post A Comment: