കോഴിക്കോട്: താമസിക്കുന്ന വീടിന്റെ അടിഭാഗത്തു നിന്നും ഇടിമുഴക്കം പോലുള്ള ശബ്ദം കേൾക്കാൻ തുടങ്ങിയതോടെ വീട്ടുകാർ ഭീതിയിൽ. കുരുവട്ടൂര് പഞ്ചായത്ത് പോലൂര് സുബ്രഹ്മണ്യ ക്ഷേത്രത്തിന് സമീപത്ത് താമസിക്കുന്ന കോണോട്ട് തെക്കെമാരത്ത് ബിജുവിന്റെ വീട്ടിലാണ് അസാധാരണ ശബ്ദം അനുഭവപ്പെടുന്നത്.
ഭൂമിക്കടിയിൽ പൈലിങ് നടത്തുന്നതിനു സമാനമായ ഒച്ചയാണ് കേൾക്കുന്നത്. ഇടവിട്ട് അരമണിക്കൂറോളം ശബ്ദമുണ്ടാകും. തൊട്ടടുത്ത വീടുകളിലും പ്രദേശങ്ങളിലൊന്നും ഇത്തരത്തില് ശബ്ദമില്ല. ശബ്ദം കേൾക്കുന്നത് പതിവായതോടെ ബിജുവും കുടുംബവും ഭീതിയിലായിരിക്കുകയാണ്. തറയുടെ അടിയില് എന്തോ കുഴിക്കുന്നതുപോലെയാണ് പലപ്പോഴും അനുഭവപ്പെടുകയെന്നു ബിജു പറയുന്നു.
കാതടപ്പിക്കുന്ന വലിയ മുഴക്കമാണ് ചിലപ്പോള് അനുഭവപ്പെടുക. ബിജു നല്കിയ പരാതിയെ തുടര്ന്നു വെള്ളിമാട്കുന്ന് ഫയര് സ്റ്റേഷനില് നിന്ന് സ്റ്റേഷന് ഓഫീസര് കെ.പി. ബാബുരാജിന്റെ നേതൃത്വത്തിലുള്ള സംഘം സ്ഥലം സന്ദര്ശിച്ചു. ഉദ്യോഗസ്ഥരും വീടിനുള്ളില് കയറിയതോടെ ശബ്ദം അനുഭവിച്ചറിഞ്ഞു.
തുടര് അന്വേഷണത്തിനായി ശബ്ദം റിക്കാര്ഡ് ചെയ്തു. ശബ്ദം ഡിസാസ്റ്റര് മാനേജ്മെന്റ് സെല്ലിന് കൈമാറുമെന്ന് സ്റ്റേഷന് ഓഫീസര് അറിയിച്ചു. വീട് നിര്മാണത്തിലെ അപാകതയാണോ എന്ന കാര്യവും പരിശോധിക്കും.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L67XbjS4vdxJpqM0Dz7ehJ
Post A Comment: