മുംബൈ: ഏകദിനത്തിനും ട്വന്‍റി 20ക്കും പിന്നാലെ ടെസ്റ്റ് ക്യാപ്റ്റൻ പദവിയും ഒഴിഞ്ഞ് വിരാട് കോലി. ദക്ഷിണാഫ്രിക്കയ്ക്ക് മുമ്പിൽ പരമ്പര അടിയറവ് വച്ചതിനു പിന്നാലെയാണ് കോലിയുടെ പടിയിറക്കം. തന്‍റെ ടെസ്റ്റ് ക്യാപ്റ്റനായുള്ള യാത്രയിൽ ഉയർച്ചകളും താഴ്ചകളും ഉണ്ടായിട്ടുണ്ടെന്നും എന്നാൽ, ആത്മാർഥമായ പരിശ്രമത്തോടെ ടീമിനെ നയിക്കാനായെന്നും കോലി പറഞ്ഞു.
തനിക്ക് ഇത്തരത്തിലുള്ള ഒരു അവസരം നൽകിയതിന് ബിസിസിഐക്കും നൽകിയ വലിയ പിന്തുണകൾക്ക് രവി ശാസ്ത്രിക്കും ടീമിനും തന്നെ വിശ്വസിച്ച് ഈ വലിയ സ്ഥാനം ഏൽപ്പിച്ചതിന് എം.എസ്. ധോണിക്കും കോലി നന്ദി അറിയിച്ചു. നേരത്തെ, ട്വന്‍റി 20 ലോകകപ്പിന് മുന്നോടിയായി ടൂർണമെന്‍റിന് ശേഷം കുട്ടി ക്രിക്കറ്റിലെ ക്യാപ്റ്റൻ സ്ഥാനം താൻ ഒഴിയുകയാണെന്ന് കോലി പ്രഖ്യാപിച്ചിരുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GTdWYfjzEq4JYKBtby408a
Post A Comment: