മലയാലത്തിലെ ആദ്യ സൂപ്പർ ഹീറോ ചിത്രം മിന്നൽ മുരളിയുടെ മേക്കിങ് വീഡിയോ സോഷ്യൽ മീഡിയയിൽ തരംഗമാകുകയാണ്. നെറ്റ്ഫ്ലിക്സിലൂടെയാണ് മേക്കിങ് വീഡിയോ പുറത്തു വന്നിരിക്കുന്നത്. ബേസിൽ ജോസഫും ടോവിനോ തോമസുമാണ് വീഡിയോ സാമൂഹിക മാധ്യമങ്ങളിൽ പങ്കുവച്ചത്.
ടോവിനോ, ബേസിൽ, നിർമാതാവ് സോഫിയ പോൾ, തിരക്കഥാകൃത്തുക്കളായ അരുൺ എ ആർ, ജസ്റ്റിൻ മാത്യു, ഗുരു സോമസുന്ദരം തുടങ്ങിയ അണിയറപ്രവർത്തകർ സിനിമയുടെ ചിത്രീകരണത്തെ കുറിച്ച് വിഡിയോയിൽ സംസാരിക്കുന്നുണ്ട്.
ലുങ്കിയും ഷർട്ടുമിട്ട് നാട്ടിൻപുറം നിഷ്കളങ്കതയിൽ ഒരു സൂപർ ഹീറോ ഉണ്ടായാൽ എങ്ങനെ ഉണ്ടാകും. അതാണ് മിന്നൽ മുരളി എന്ന് ബേസിൽ പറയുന്നു. ഗുരു സോമസുന്ദരത്തിന്റെ സിനിമയിലേക്കുള്ള വരവിനെ കുറിച്ചും ബേസിൽ വിഡിയോയിൽ വ്യക്തമാക്കുന്നുണ്ട്. ചിത്രത്തിലെ നായികാ കഥാപാത്രം ഫെമിന ജോർജ്, ബാലതാരം വശിഷ്ഠ എന്നിവർക്ക് സിനിമയിലെ പങ്കിനെ കുറിച്ചും സുഷിൻ ശ്യാമിന്റെയും ഷാൻ റഹ്മാന്റെയും മ്യൂസിക് എന്നിവയെ കുറിച്ചും വിഡിയോയിൽ വ്യക്തമാക്കുന്നുണ്ട്.
ഡിസംബർ 24 നു റിലീസ് ചെയ്ത ചിത്രം ദിവസങ്ങൾ പിന്നിട്ടപ്പോൾ തന്നെ അന്താരാഷ്ട്ര തലത്തിൽ വരെ ശ്രദ്ധ നേടിയിരുന്നു. കഴിഞ്ഞ ദിവസം ദ ന്യൂയോർക്ക് ടൈംസിന്റെ നെറ്റ്ഫ്ലിക്സിൽ സ്ട്രീം ചെയ്യുന്ന അഞ്ച് അന്താരാഷ്ട്ര സിനിമകളെ കുറിച്ചുള്ള വാർത്തയിൽ മിന്നൽ മുരളിയും ഇടം നേടിയിരുന്നു. മലയാളം, തമിഴ്, തെലുങ്ക്, കന്നഡ, ഹിന്ദി എന്നിങ്ങനെ അഞ്ച് ഭാഷകളിലാണ് ചിത്രം എത്തിയിരിക്കുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
Post A Comment: