ഉപ്പൂറ്റി വിണ്ടുകീറുന്നുണ്ടോ; പരിഹാരം വീട്ടിൽ തന്നെയുണ്ട്

സുന്ദരമായ കാലുകൾ എല്ലാവരുടെയും സ്വപ്‌നമാണ്. എന്നാൽ കാലുകൾ വിണ്ടുകീറുന്നത് പലരുടെയും ആത്മവിശ്വാസത്തെ തന്നെ ദോഷകരമായി ബാധിക്കാറുണ്ട്.  

പുരുഷൻമാരിലാണ് പാദങ്ങൾ വീണ്ടുകീറുന്നത് കൂടുതലായി കണ്ടു വരുന്നത്. എന്നാൽ വേണ്ട പരിചരണം ലഭിച്ചില്ലെങ്കിൽ സ്ത്രീകളിലും ഇത്തരത്തിൽ പാദങ്ങൾ വിണ്ടുകീറാറുണ്ട്. വേണ്ടത്ര പരിപാലനം ഉണ്ടായാൽ കാലുകൾ വിണ്ടുകീറുന്നത് ഒഴിവാക്കാമെന്ന് ഡോക്‌ടർമാർ പറയുന്നു. 

ഗ്ലിസറിൻ 

അൽപം ഗ്ലിസറിൻ എടുത്ത് നാരങ്ങാ നീരുമായി  മിക്‌സ് ചെയ്യുക. ഈ മിശ്രിതം കാലിലും ഉപ്പൂറ്റിയിലും പുരട്ടി ഇരുപത് മിനിറ്റ് വയ്ക്കുക. ശേഷം തണുത്ത വെള്ളം ഉപയോഗിച്ച് കഴുകി കളയുക. രണ്ടാഴ്ച്ചയോളം ഇപ്രകാരം ചെയ്യുന്നത് ഫലം ചെയ്യും. 

വെളിച്ചെണ്ണ 

കിടക്കും മുമ്പ് കാല് നന്നായി കഴുകി തുടച്ചു വൃത്തിയാക്കുക. ശേഷം ഉപ്പൂറ്റിയിലും കാലിലുമാകെ വെളിച്ചെണ്ണ പുരട്ടി മസാജ് ചെയ്യുക. കോട്ടൺ സോക്‌സ് ധരിച്ച് കിടന്നു ഉറങ്ങുക. അടുത്ത ദിവസം രാവിലെ കഴുകിക്കളയാം. 

ഒലിവ് ഓയിൽ 

ഉപ്പൂറ്റിയിലെ വിണ്ടുകീറൽ ഒഴിവാക്കാൻ ഒലിവ് ഓയിലും മികച്ച വഴിയാണ്. അൽപം ഒലിവ് ഓയിലും ലാവണ്ടർ ഓയിലും മിക്‌സ് ചെയ്യുക. ശേഷം ഇതിലേക്ക് അത്ര തന്നെ വെള്ളവും ചേർത്ത് ഇളക്കുക. ഇനി ആവശ്യത്തിന് കാലിൽ പുരട്ടാം. 

തേൻ 

ഒരു ബക്കറ്റിൽ ഇളം ചൂട് വെള്ളം ഒഴിക്കുക. ഇതിലേക്ക് ഒരു കപ്പ് തേൻ ഒഴിച്ച് മിക്‌സ് ചെയ്യുക. ഇതിലേക്കു കാലിറക്കി വയ്ക്കുക. ഇരുപത് മിനിറ്റോളം ഇപ്രകാരം വയ്ക്കണം. ശേഷം കാൽ പുറത്തെടുത്ത് കഴുകാം. കാലുകൾ മൃദുവാകാനും മികച്ച വഴിയാണിത്. 

അരിപൊടി

നല്ലൊരു ഫൂട്ട് സ്‌ക്രബ് ആണ് അരിപ്പൊടി. മൂന്ന് ടേബിൾ സ്‌പൂൺ അരിപൊടിയിലേക്ക് ഒരു വലിയ സ്‌പൂൺ തേനും ഒരു സ്‌പൂൺ ഒലിവ് ഓയിലും രണ്ടു സ്‌പൂൺ വിനാഗിരിയും ചേർത്ത് മിക്‌സ് ചെയ്യുക. ശേഷം ഇളം ചൂട് വെള്ളത്തിൽ കാൽ നനയ്ക്കാൻ വയ്ക്കുക. അൽപ സമയത്തിന് ശേഷം പുറത്തെടുത്ത് ഈ മിശ്രിതം ഉപയോഗിച്ച് സ്‌ക്രബ് ചെയ്യുക. ഫലം കാണാം. 

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ....

https://chat.whatsapp.com/IjXOK79vV0mB3M4eg0HiVJ