മുംബൈ: നടൻ സുശാന്ത് സിങിന്‍റെ മുൻ മാനേജർ സാമുവൽ മിറണ്ഡ നാർക്കോട്ടിക് കൺട്രോൾ ബ്യൂറോയുടെ കസ്റ്റഡിയിൽ. മയക്കുമരുന്നു സംഘവുമായുള്ള ബന്ധങ്ങളെ കുറിച്ചുള്ള വിവരങ്ങൾ പുറത്തു വന്നതിനു പിന്നാലെയാണ് നടപടി. ഇയാളുടെ വീട്ടിൽ റെയ്‌ഡ് നടത്തിയിരുന്നു. ഇതിനു പിന്നാലെയാണ് കസ്റ്റഡി.
കഴിഞ്ഞ ദിവസം അറസ്റ്റിലായ ലഹരി മരുന്ന് ഇടപാടുകാരൻ സഈദ് വിലത്തറയുമായി സാമുവൽ മിറണ്ഡയ്ക്കും സുശാന്തിന്‍റെ കാമുകി റിയ ചക്രവർത്തിയുടെ സഹോദരൻ ഷോവിക്കിനും ബന്ധമുണ്ടെന്ന അന്വേഷണ ഏജൻസി നേരത്തെ വ്യക്തമാക്കിയിരുന്നു. അതിന് പിന്നാലെയാണ് റെയിഡ് നടന്നത്.
കഴിഞ്ഞ ദിവസം അറസ്റ്റിലായ ലഹരി മരുന്ന് ഇടപാടുകാരൻ സഈദ് വിലത്തറയുമായി സാമുവൽ മിറണ്ഡയ്ക്കും സുശാന്തിന്‍റെ കാമുകി റിയ ചക്രവർത്തിയുടെ സഹോദരൻ ഷോവിക്കിനും ബന്ധമുണ്ടെന്ന അന്വേഷണ ഏജൻസി നേരത്തെ വ്യക്തമാക്കിയിരുന്നു. അതിന് പിന്നാലെയാണ് റെയിഡ് നടന്നത്.
സുശാന്തിന്‍റെ ഹൗസ് കീപ്പിങ് മാനേജർ ആയിരുന്നു സാമുവൽ. കഴിഞ്ഞ വർഷം മെയ് മാസം റിയ ചക്രബർത്തിയാണ് ഇയാളെ സുശാന്തിന്‍റെ വീട്ടിൽ ജോലിക്ക് നിയമിക്കുന്നത്. വീട്ടിലെ ചിലവുകളെല്ലാം നോക്കിയിരുന്നത് സുശാന്തായിരുന്നു. സുശാന്തിന്‍റെ പണം തട്ടിയെടുക്കാനും മയക്കുമരുന്ന് വിതരണം ചെയ്യാനും റിയയെ സഹായിച്ചത് സാമുവലാണെന്നാണ് താരത്തിന്‍റെ കുടുംബം ആരോപിക്കുന്നത്.
റിയയുടെ സഹോദരന് മയക്കുമരുന്ന് സംഘവുമായി ബന്ധമുണ്ടെന്ന് റിപ്പോർട്ടുകളെ തുടർന്ന് നടി റിയയുടെ വീടും സർച്ച് ചെയ്‌തിരുന്നു. അറസ്റ്റിലായ സഈദ് വിലാത്ര സാമുവേൽ മിരാണ്ടയ്‌ക്കും ഷോവിക് ചക്രവർത്തിക്കും കഞ്ചാവ് എത്തിച്ചിരുന്നതായാണ് വിവരം. ഇയാളും ഷോവിക്കും തമ്മിലുള്ള വാട്സാപ്പ് സന്ദേശങ്ങൾ എൻസിബി കണ്ടെടുത്തിരുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: