ബംഗളൂരു: പാർക്കിൽ വ്യായാമം ചെയ്യാനെത്തിയ തന്നെ നാട്ടുകാർ ആക്രമിക്കാൻ ശ്രമിച്ചെന്ന ആരോപണവുമായി യുവ നടി. കന്നഡ നടി സംയുക്ത ഹെഗ്ഡെയാണ് സോഷ്യൽ മീഡിയയിലൂടെ ആരോപണം ഉന്നയിച്ചത്. തന്നെയും സുഹൃത്തുക്കളെയും നാട്ടുകാർ ആക്രമിച്ചെന്നാണ് നടി ആരോപിക്കുന്നത്. വെള്ളിയാഴ്ച്ച രാവിലെ ബംഗളുരുവിലെ എച്ച്.എസ്.ആർലെ ഔട്ടിലെ അഗരാ തടാകത്തിന് സമീപത്തെ പാർക്കിൽ വ്യായാമത്തിനെത്തിയതായിരുന്നു നടിയും സുഹൃത്തുക്കളും. ഹുലാ ഹുലാ ഹൂപ്‌സ് പ്രാക്‌ടീസ്‌ ചെയ്‌തു കൊണ്ടിരുന്ന നടി അശ്ലീല വേഷത്തിൽ എത്തിയെന്നാരോപിച്ചായിരുന്നു കൈയേറ്റ ശ്രമം.
സംയുക്തയുടെയും സുഹൃത്തുക്കളുടെയും സമീപത്ത് എത്തിയ ഒരു സ്ത്രീ ഇവരെ അസഭ്യം പറഞ്ഞതോടെയാണ് സംഭവങ്ങളുടെ തുടക്കം. നടിയെ അടിക്കാനും ഇവർ ശ്രമിച്ചതായാണ് പരാതി. കാബറെ കളിക്കുകയാണോ? ഇത്തരം വേഷത്തിൽ നടന്ന് ആരെങ്കിലും ഉപദ്രവിച്ചാൽ കരഞ്ഞിട്ട് കാര്യമില്ലെന്ന് പറഞ്ഞ് ഇവർ ബഹളം വച്ചതോടെയാണ് നാട്ടുകാർ കൂടിയത്.
ലഹരി ഉപയോഗിച്ചാണ് നടി വന്നിരിക്കുന്നതെന്നായി നാട്ടുകാരുടെ ആരോപണം. നടിക്കും മയക്കുമരുന്ന് വിവാദത്തിൽ പങ്കുണ്ടെന്ന് ആരോപിച്ച് നാട്ടുകാർ കയ്യേറ്റം ചെയ്യാൻ ശ്രമിച്ചത്. സംഭവങ്ങൾ താരം സമൂഹമാധ്യമങ്ങളിലൂടെ പുറത്ത് വിട്ടതും തടിച്ച് കൂടിയവരെ പ്രകോപിപ്പിച്ചു. സഹായത്തിന് വേണ്ടി അപേക്ഷിക്കുന്ന നടിയുടെ വീഡിയോ മാധ്യമങ്ങളിലൂടെയാണ് പുറത്ത് വന്നത്. ഇവർക്കെതിരെ കേസ് എടുക്കണം എന്നാവശ്യപ്പെട്ട് ബഹളമുണ്ടാക്കിയ നാട്ടുകാരെ ഒടുവിൽ പൊലീസ് ഇടപെട്ടാണ് പിന്തിരിപ്പിച്ചത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: