മുംബൈ: നടൻ സുശാന്ത് സിങിന്റെ മരണത്തിനു പിന്നാലെ പിന്നാലെയാണ് കാമുകി കൂടിയായ നടി റിയ അറസ്റ്റിലാകുന്നത്. ഇന്നലെ അറസ്റ്റിലായ റിയ ചോദ്യം ചെയ്യലിനു ഹാജരായപ്പോൾ ഇട്ടിരുന്ന ടീ ഷർട്ടാണ് ഇപ്പോൾ സമൂഹ മാധ്യമങ്ങളിൽ അടക്കം വലിയ ചർച്ചയാകുന്നത്. മുംബൈയിലെ നർകോട്ടിക്സ് കണ്ട്രോൾ ബ്യൂറോയിലേക്ക് ചോദ്യം ചെയ്യലിന് എത്തിയപ്പോളാണ് നടി കറുപ്പ് നിറത്തിലുള്ള ടീ ഷർട്ട് അണിഞ്ഞിരുന്നത്. അതില് രേഖപ്പെടുത്തിയിരിക്കുന്ന വരികള് തന്നെയാണ് ഈ ടീഷര്ട്ട് ഇത്രമാത്രം ചര്ച്ചയാകാന് കാരണം.
"റോസുകൾ ചുവപ്പാണ്. വൈലറ്റ് നീലയും. നമുക്കൊന്നിച്ച് ഈ പുരുഷാധിപത്യത്തെ തച്ചുടയ്ക്കാം" എന്നര്ഥം വരുന്ന ഇംഗ്ലീഷ് വരികളായിരുന്നു ടീഷര്ട്ടില് ഉണ്ടായിരുന്നത്. റിയ ഈ ടീഷര്ട്ട് ധരിച്ച് കാറിൽ വന്നിറങ്ങുന്ന ചിത്രങ്ങൾ ഇന്നലെ സമൂഹമാധ്യമങ്ങളില് വ്യാപകമായി പ്രചരിച്ചു.
സമൂഹത്തോട് റിയയ്ക്ക് പറയാനുള്ളതാണ് എന്ന നിലയിൽ നിരവധി ചർച്ചകളും ചൂടുപിടിക്കുമ്പോഴായിരുന്നു താരം അറസ്റ്റിലായ വാർത്ത എത്തിയത്. സുശാന്ത് സിങിന് ലഹരിമരുന്ന് എത്തിച്ചു നൽകിയെന്ന കേസിൽ മുൻകാമുകി കൂടിയായ റിയയെ കോടതി 14 ദിവസം റിമാൻഡും ചെയ്തു. സുശാന്ത് സിങിനു ലഹരിമരുന്ന് വാങ്ങി നൽകിയെന്ന് റിയ സമ്മതിച്ചുവെന്നാണ് റിമാൻഡ് റിപ്പോർട്ടിൽ അന്വേഷണസംഘം പറയുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: