മുംബൈ: നടൻ സുശാന്ത് സിങ് രജ്പുതിന്റെ മരണത്തിൽ തുടങ്ങിയ വിവാദങ്ങൾ ഇനിയും കെട്ടടങ്ങിയിട്ടില്ല. ഇതിനിടയിൽ സുശാന്തിന്റെയും നടി ആകാൻഷ രഞ്ജൻ കപൂറിന്റെയും ഒരു പഴയ കാല ചിത്രം ഇപ്പോൾ സോഷ്യൽ മീഡിയയിൽ വൈറലാകുകയാണ്. 2017ലെ ദീപാവലി സമയത്ത് രമേഷ് റ്റൗറാനിയുടെ ബോളിവുഡ് പാർട്ടിയിൽ നിന്നുള്ളതാണ് ആ ചിത്രം. ആകാൻഷ തന്റെ ഇൻസ്റ്റഗ്രാം ടൈം ലൈനിലാണ് ഈ ചിത്രം പോസ്റ്റ് ചെയ്തത്. ജൂൺ പതിനാലിന് സുശാന്ത് മരിച്ചതിനു പിന്നാലെ ഇരുവരും ഒരുമിച്ചുള്ള ഒരു സെൽഫിയും ആകാൻഷ സോഷ്യൽ മീഡിയയിൽ പങ്കുവച്ചിരുന്നു.
എല്ലാക്കാലത്തേക്കും എന്ന കുറിപ്പോടെയായിരുന്നു സോഷ്യൽമീഡിയയിൽ അവർ ചിത്രം പങ്കുവച്ചത്. അതേസമയം, സുശാന്ത് സിങ് രാജ്പുതിന്റെ മരണവുമായി ബന്ധപ്പെട്ട് നടക്കുന്ന മയക്കുമരുന്ന് കേസിൽ മുംബൈയിൽ ഞായറാഴ്ച ആറുപേരെ കൂടി അറസ്റ്റ് ചെയ്തു. നാർകോടിക്സ് കൺട്രോൾ ബ്യൂറോയാണ് അറസ്റ്റ് രേഖപ്പെടുത്തിയത്. ഇതോടെ, ഇതുവരെ അറസ്റ്റിലായവരുടെ എണ്ണം 16 ആയി. അതേസമയം, മയക്കുമരുന്ന് ഉപയോഗവും വിതരണവുമായി ബന്ധപ്പെട്ട് മുംബൈ, ഗോവ എന്നിവിടങ്ങളിൽ റെയ്ഡും ശക്തമാണ്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: