ജെറുസലേം: വണ്ണം കൂടിയവരിൽ കോവിഡ് സാധ്യതകൂടുതലാണെന്ന് നേരത്തെ റിപ്പോർട്ടുകളുണ്ടായിരുനനു. ഇതിനെ സാധൂകരിക്കുന്നതാണ് ഇസ്രയേലിൽ നിന്നും പുറത്തു വരുന്ന റിപ്പോർട്ട്. അമിത വണ്ണമുള്ളവരിൽ കോവിഡ് വൈറസ് തങ്ങി നിൽക്കാൻ സാധ്യതയുണ്ടെന്നും പഠനം തെളിയിക്കുന്നു. ഇത്തരക്കാരിൽ സാദാരണയിലും അപേക്ഷിച്ച് രോഗമുക്തിക്ക് കൂടുതൽ ദിവസങ്ങൾ വേണ്ടി വരും. ഇസ്രായേലിലെ ഗവേഷകർ നടത്തിയ പഠനങ്ങളിലാണ് ഈ കണ്ടെത്തൽ. 30 കിലോഗ്രം/ മീറ്റര് സ്ക്വയറിലധികം ബോഡി മാസ് ഇന്ഡെക്സ് ഉള്ള വ്യക്തികള്ക്ക് കോവിഡ് നെഗറ്റീവാകാന് 25 കിലോഗ്രാം/ മീറ്റര് സ്ക്വയറുള്ളവരെ അപേക്ഷിച്ച് അഞ്ച് ദിവസം കൂടുതല് വേണ്ടി വരും.
അമിതവണ്ണമുള്ളവരില് കൂടുതല് കാണപ്പെടുന്ന അഡിപോസ് കോശ സംയുക്തങ്ങളില് എസിഇ 2 റിസപ്റ്റര് തോത് കൂടുതലാണെന്നും വൈറസ് കോശങ്ങള്ക്കുള്ളില് പ്രവേശിക്കാനുള്ള സാഹചര്യം ഇത് വര്ധിപ്പിക്കുമെന്നും പഠനം ചൂണ്ടിക്കാട്ടുന്നു. ഇത് മൂലമാണ് അമിതവണ്ണമുള്ളവരിലെ വൈറസ് ലോഡ് കൂടുന്നത്. ബോഡി മാസ് ഇന്ഡെക്സ് 25 കിലോഗ്രാം/ മീറ്റര് സ്ക്വയറില് താഴെയുള്ളവര് കോവിഡ് രോഗമുക്തരാകാന് ഏകദേശം 14 ദിവസങ്ങളെടുക്കുമ്പോള് 25നും 30നും ഇടയില് ബിഎംഐ ഉള്ളവര്ക്ക് 17 ദിവസവും 30ലധികം ഉള്ളവര്ക്ക് 19-20 ദിവസവുമെടുക്കും.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: