ന്യൂഡെൽഹി: ലിംഗ സമത്വത്തിനായി മുറവിളികൂട്ടുന്ന ഇന്ത്യയിൽ ആദ്യമായി യുദ്ധക്കപ്പലിൽ വനിതാ സാനിധ്യം. നേവിയിൽ വിവിധ റാങ്കുകളിൽ വനിതകൾ ഉണ്ടെങ്കിലും യുദ്ധക്കപ്പലുകളിൽ ഇതുവരെ വനിതാ സാനിധ്യം ഉണ്ടായിരുന്നില്ല. ഇതിനാണ് ഇപ്പോൾ മാറ്റമുണ്ടായിരിക്കുന്നത്. സബ് ലെഫ്റ്റനന്‍റ് റിതി സിങ്, സബ് ലെഫ്. കൗമുദി ത്യാഗി എന്നിവരെയാണ് യുദ്ധക്കപ്പലുകളില്‍ പോസ്റ്റ് ചെയ്‌തത്. ക്രൂ ക്വാര്‍ട്ടേഴ്‌സിലെ സ്വകാര്യതയുടെ അഭാവം, സ്ത്രീകള്‍ക്ക് പ്രത്യേകം ടോയ്‌ലറ്റ് സൗകര്യങ്ങളില്ലാത്തത് തുടങ്ങിയ പ്രശ്‌നങ്ങളെല്ലാം ഉയര്‍ത്തിയാണ് ഇതുവരെ യുദ്ധക്കപ്പലുകളില്‍ വനിതാ ഉദ്യോഗസ്ഥരെ നിയോഗിക്കാതിരുന്നത്.
നേവിയുടെ പുതിയ എംഎച്ച് 60 ആര്‍ ഹെലികോപ്റ്ററുകള്‍ പുതിയ വനിതാ ഉദ്യോഗസ്ഥര്‍ പറപ്പിക്കും. 24 ഇത്തരം ഹെലികോപ്റ്ററുകളാണ് ഓര്‍ഡര്‍ ചെയ്തിരിക്കുന്നത്. നേവിയുടെ മള്‍ട്ടി റോള്‍ ഹെലികോപ്റ്ററുകള്‍ ഉപയോ ഗിക്കാന്‍ ഇവര്‍ക്ക് പരിശീലനം നല്‍കുന്നുണ്ട്. ലോകത്തെ തന്നെ എറ്റവും അത്യാധുനിക മിലിട്ടറി മള്‍ട്ടി റോള്‍ ഹെലികോപ്റ്ററുകളാണിവ.
ശത്രുക്കളുടെ കപ്പലുകളേയും മുങ്ങിക്കപ്പലുകളേയും കണ്ടുപിടിക്കുന്ന തിനടക്കം ശേഷിയുള്ള ഹെലികോപ്റ്ററുകളാണ് എംഎച്ച് 60 ആർ. 2.6 ബില്യണ്‍ ഡോളറിനാണ് (ഏതാണ്ട് 19,121 കോടിയിലധികം ഇന്ത്യൻ രൂപ) യുഎസ് കമ്പനിയായ ലോക്ക്ഹീഡ് മാര്‍ട്ടിനില്‍ നിന്ന് 2018ല്‍ ഇന്ത്യ ഈ ഹെലികോപ്റ്ററുകള്‍ വാങ്ങാന്‍ കരാറൊപ്പിട്ടത്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/L2USinQQ81H1Nq4VBIiX94
Post A Comment: