മൗണ്ടൻഹോം: വിവാഹ ഫോട്ടോ ഷൂട്ട് ഗംഭീരമാക്കൂന്നതാണ് എല്ലാ നാട്ടിലെയും പതിവ്. എന്നാൽ ഇപ്പോൾ സോഷ്യൽ മീഡിയയിൽ പ്രചരിക്കുന്ന ഒരു വെഡിങ് ഫോട്ടോഷൂട്ടിനെകുറിച്ച് വൻ വിവാദങ്ങളും വിമർശനങ്ങളുമാണ് ഉയരുന്നത്. വലിയ ഒരു പാറയുടെ മുകളിൽ നിന്ന് വരന്റെ കൈവിട്ട് താഴേക്ക് പോകുന്ന വധുവിന്റെ ചിത്രമാണിത്. കേരളത്തിലടക്കം വലിയ തോതിൽ പ്രചരിച്ച ചിത്രത്തിന്റെ യാഥാർഥ്യം അറിയാതെ വലിയ അഭിപ്രായ പ്രകടനങ്ങളും സോഷ്യൽ മീഡിയയിൽ നടക്കുന്നുണ്ട്. എന്നാൽ ചിത്രത്തിന്റെ യഥാർഥ വശം മറ്റൊന്നാണ്.
യു.എസിലെ ആർക്കാൻസസിലുള്ള മൗണ്ടൻ ഹോം സ്വദേശികളാണ് റയാൻ മേയേഴ്സും ഭാര്യ സ്കൈയുമാണ് ചിത്രത്തിലുള്ളത്. വിവാഹം ഗംഭീരമായി നടത്തണമെന്നതായിരുന്നു ഇരുവരുടെയും ആഗ്രഹം. പക്ഷെ കൃത്യസമയത്ത് കൊറോണയെത്തി മുഴുവൻ കുളമാക്കി. ഇതോടെയാണ് ഫോട്ടോഷൂട്ട് ഗംഭീരമാക്കാൻ ഇരുവരും ചേർന്ന് തീരുമാനിച്ചത്.
ഇതോടെ പ്രധാന ഹൈക്കിങ് പോയിന്റുകളിൽ ഒന്നായ വിറ്റാക്കർ പോയിന്റിനെ ഫോട്ടോഷൂട്ട് ഡെസ്റ്റിനേഷനാക്കി മാറ്റാൻ തീരുമാനിക്കുകയായിരുന്നു. ശരിക്കും ഒരു കയറിന്റെ സഹായത്താലാണ് ഈ നിൽപ്പ്. ഹൈക്കിംഗിലുൾപ്പെടെ പരിചയ സമ്പത്തുള്ള വിദഗ്ദ്ധർ ഉൾപ്പെടെ സുരക്ഷാ സംവിധാനങ്ങളോടെയാണ് ദമ്പതിമാരുടെ ഈ സാഹസിക ഫോട്ടോഷൂട്ട് നടന്നത്. വിവാഹച്ചടങ്ങ് ലളിതമാക്കേണ്ടി വന്നെങ്കിലും വെഡിങ് ഫോട്ടോകളിലൂടെ എല്ലാവരെയും ഞെട്ടിച്ചിരിക്കുകയാണ് ഈ ദമ്പതികൾ.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: