തിരുവനന്തപുരം: കഠിനംകുളത്ത് മദ്യം നൽകി മയക്കിയ ശേഷം യുവതിയെ ഭർത്താവിന്റെ സുഹൃത്തുക്കൾ പീഡിപ്പിച്ചത് അഞ്ച് വയസുള്ള കുട്ടിയുടെ കൺമുന്നിൽ. സംഭവത്തിൽ ഭർത്താവടക്കം ഏഴ് പേരാണ് കസ്റ്റഡിയിലുള്ളത്. പീഡനം നടന്നത് കുട്ടിയുടെ മുന്നിലായതിനാൽ പ്രതികൾക്കെതിരെ പോക്സോ വകുപ്പ് ചുമത്തുമെന്ന് പൊലീസ് അറിയിച്ചു. മൂത്ത കുട്ടിയെ കേസിൽ സാക്ഷിയാക്കാനും പൊലീസ് ആലോചിക്കുന്നുണ്ട്.
യുവതിയുടെ മൊഴി വിശദമായി പരിശോധിച്ച ശേഷമായിരിക്കും കേസിൽ കൂടുതൽ കാര്യങ്ങളിലേക്ക് കടക്കുക. ഇന്നലെയാണ് സംസ്ഥാനത്തെ ഞെട്ടിക്കുന്ന സംഭവങ്ങൾ ഉണ്ടാകുന്നത്. യുവതിയെ ബീച്ചിലേക്കെന്നു പറഞ്ഞ് കൂട്ടിക്കൊണ്ടു പോയ ഭർത്താവ് മദ്യം നൽകി മയക്കിയ ശേഷം സുഹൃത്തുക്കൾക്ക് ഇട്ടുകൊടുക്കുകയായിരുന്നു.
സംഭവ സ്ഥലത്തു നിന്നും രക്ഷപെട്ട് ഓടിയ യുവതിയെ നാട്ടുകാരുടെ സഹായത്തോടെയാണ് വീട്ടിലെത്തിച്ചത്. തുടർന്ന് യുവതി പൊലീസിൽ വിവരം അറിയിക്കുകയായിരുന്നു. യുവതിയുടെ ഭർത്താവിനും സുഹൃത്തുക്കൾക്കും പെൺവാണിഭ സംഘങ്ങളുമായി ബന്ധമുണ്ടോയെന്നതും അന്വേഷിക്കുന്നുണ്ട്. പീഡനത്തിനു ശേഷം വീട്ടിലെത്തിയ യുവതിയെ ഭർത്താവ് സിഗരറ്റ് ഉപയോഗിച്ച് പൊള്ളിച്ചിട്ടുണ്ട്. കുട്ടിക്കും മർദനമേറ്റു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: