ബീജിങ്: ബിയർ കഴിച്ച് ഉറങ്ങിയ യുവാവിന്‍റെ മൂത്ര സഞ്ചി പൊട്ടി. ചൈനീസ് സ്വദേശിക്കാണ് ദുരനുഭവം ഉണ്ടായത്. പത്ത് കുപ്പി ബിയറാണ് ഇയാൾ ഒറ്റയടിക്ക് അകത്താക്കിയത്. തുടർന്ന് ബിയർ തലക്ക് പിടിച്ച ഇയാൾ ഉറങ്ങി പോകുകയായിരുന്നു. ഏകദേശം 18 മണിക്കൂറോളം ഉറങ്ങിപ്പോയ ഇദ്ദേഹത്തിന് ഇത്രയും സമയം മൂത്രമൊഴിക്കാൻ കഴിഞ്ഞില്ല. ഇതോടെയാണ് ഇദ്ദേഹത്തിന്റെ മൂത്രസഞ്ചി പൊട്ടി പോയത്.
ബിയറിന്‍റെ കെട്ട് ഇറങ്ങിയപ്പോൾ കടുത്ത വയറു വേദനയോടെയാണ് ഇയാൾ ഉണർന്നത്. ഉടൻ തന്നെ ടോലെറ്റിൽ പോയി മൂത്രമൊഴിക്കാൻ ശ്രമിച്ചു. എന്നാൽ രക്തം കലർന്ന രീതിയിൽ ഒന്നോ രണ്ടോ തുള്ളി മൂത്രം മാത്രമാണ് പോയത്. മൂത്രമൊഴിച്ചപ്പോൾ അസഹ്യമായ വേദനയും ഇയാൾക്കുണ്ടായിതുറന്നു. ഉടൻ തന്നെ ചൈനയിലെ സെജിയാങ് പ്രവിശ്യയിലുള്ള ഒരു ആശുപത്രിയിലെ യൂറോളജി വിഭാഗത്തിൽ എത്തിച്ചു. എന്നാൽ വേദന സംഹാരികൾ നൽകിയെങ്കിലും ഒരു ശമനവും അനുഭവപ്പെട്ടില്ല. സ്‌കാനിങ് പരിശോധനയിലാണ് ഇദ്ദേഹത്തിന്റെ മൂത്രസഞ്ചി പൊട്ടിയതായി കണ്ടെത്തിയത്. അടിയന്തര ശാസ്ത്രക്രീയയ്ക്ക് ഇദ്ദേഹത്തെ ഉടൻ തന്നെ വിധേയനാക്കി.
യഥാസമയം ചികിത്സ നൽകിയിരുന്നില്ലെങ്കിൽ മൂത്രസഞ്ചിയിലെ കുടലിന്‍റെ കോശങ്ങൾ പ്രവേശിക്കുന്നത് മരണത്തിലേക്ക് നയിച്ചേക്കാമെന്ന് ആശുപത്രി അധികൃതർ അറിയിച്ചു. ഹു ഇപ്പോൾ അപകട നില തരണം ചെയ്‌തതായി ആശുപത്രി സ്ഥിരീകരിച്ചു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: