ഫ്ളോറിഡ: പ്രായപൂർത്തിയാകാത്ത വിദ്യാർഥിയുമായി ലൈംഗിക ബന്ധത്തിലേർപ്പെട്ട അധ്യാപിക അറസ്റ്റിൽ. ഫ്ളോറിഡയിലാണ് സംഭവം ഉണ്ടായിരിക്കുന്നത്. ഓൺലൈൻ ക്ലാസിനിടെ ചാറ്റിങ്ങിലൂടെ അടുപ്പം സ്ഥാപിച്ച അധ്യാപിക വിദ്യാർഥിയെ മാർക്ക് കുറക്കുമെന്ന് ഭീഷണിപ്പെടുത്തി ലൈംഗിക ബന്ധത്തിലേർപ്പെടുകയായിരുന്നു. സാന്‍റ റോസാ കൗണ്ടിയിലുള്ള നവാരെ ഹൈ സ്‌കൂളിലെ അധ്യാപികയായ മേഘന്‍ മേരി റോഡ്രിഗസ് ആണ് അറസ്റ്റിലായത്.
37 കാരിയായ അധ്യാപിക വിവാഹിതയാണ്. കുട്ടികള്‍ക്ക് എതിരെയുള്ള സെക്കണ്ട് ഡിഗ്രീ ഫെലോണി ചാര്‍ജ് പ്രകാരം അധ്യാപികയെ ജയിലില്‍ അടച്ചു. മാര്‍ച്ച് മൂന്നിന് സാന്‍റ റോസ കൗണ്ടി ഷെരിഫ് ഉദ്യോഗസ്ഥന് ലഭിച്ച അജ്ഞാത സന്ദേശത്തെ തുടര്‍ന്ന് നടത്തിയ അന്വേഷണത്തിലാണ് കുറ്റകൃത്യം തെളിഞ്ഞത്. പൊലീസ് നടത്തിയ അന്വേഷണത്തില്‍ കഴിഞ്ഞ വേനലവധി കാലത്ത് റോഡ്രിഗസ് വിദ്യാർഥിയുമായി ലൈംഗിക ബന്ധത്തിൽ ഏർപ്പെട്ടതായി കണ്ടെത്തി.
ക്ലാസ് മുറിയിലും സമാന അനുഭവം ഉണ്ടായെന്ന് വിദ്യാർഥിയും മൊഴി നൽകി. അധ്യാപിക സ്‌കൂള്‍ അഡ്മിനിസ്‌ട്രേറ്ററോട് കുറ്റം സമ്മതിച്ചു. എന്നാല്‍ താന്‍ വിദ്യാർഥിയെ ചുംബിക്കുക മാത്രമാണ് ചെയ്തതെന്നായിരുന്നു കുറ്റസമ്മതം. സമ്മതിച്ചില്ലെങ്കില്‍ തന്നെ തോല്‍പ്പിക്കുമെന്ന് അധ്യാപിക ഭീഷണിപ്പെടുത്തിയെന്നും വിദ്യാർഥി പറഞ്ഞു. ഗ്രേഡ് കുറയുന്നതില്‍ വിദ്യാർഥി ആശങ്കപ്പെട്ടിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: