കൊല്ലം: മാതാപിതാക്കൾക്കൊപ്പം ഉറങ്ങുകയായിരുന്ന കുഞ്ഞിനെ തട്ടിക്കൊണ്ടു പോയി. കണ്ണനല്ലൂർ ചേരീക്കോണത്താണ് സംഭവം. ആറു മാസം പ്രായമുള്ള കുഞ്ഞിനെയാണ് പുലർച്ചെ മൂന്നോടെ വീടിനകത്ത് നിന്നും അജ്ഞാതൻ കടത്തികൊണ്ടുപോയത്.
അടച്ചുറപ്പില്ലാത്ത വീട്ടിലാണ് ഇവർ കഴിഞ്ഞിരുന്നത്. അസമയത്ത് കുഞ്ഞുമായി പോകുന്ന അർദ്ധ നഗ്നനായ അപരിചിതനെ കണ്ട് സംശയം തോന്നിയ നാട്ടുകാരൻ ഇയാളെ തടയുകയായിരുന്നു. ഇതോടെ ഇരുവരും തമ്മിൽ കയ്യാങ്കളിയായി.
ബഹളം കേട്ട് നാട്ടുകാർ ഓടികൂടിയതോടെ കൈയിലുണ്ടായിരുന്ന കുഞ്ഞിനെ വലിച്ചെറിഞ്ഞ് പ്രതി ബൈക്കിൽ രക്ഷപ്പെട്ടു. ഇതെല്ലം കഴിഞ്ഞ് നാട്ടുകാർ കുഞ്ഞുമായി എത്തിയപ്പോഴാണ് മാതാപിതാക്കൾ സംഭവം അറിയുന്നത്. മാതാപിതാക്കളുടെ പരാതിയിൽ കണ്ണനല്ലൂർ പൊലീസ് പ്രതിക്കായി അന്വേഷണം തുടങ്ങി.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: