വൈദികനും കന്യാസ്ത്രീയും അവിഹിതത്തിൽ; സി. ലൂസിയുടെ ചങ്ക് തകർത്ത സംഭവത്തിന്‍റെ സിസി ടിവി ദൃശ്യങ്ങൾ പുറത്ത്

കൊച്ചി: കത്തോലിക്ക സഭയിലെ വഴിവിട്ട ബന്ധങ്ങളും അനീതികളും വിളിച്ചു പറഞ്ഞതോടെയാണ് സി. ലൂസി കളപ്പുരയ്ക്കൽ വിവാദങ്ങളിൽ അകപ്പെടുന്നത്. ബിഷപ്പ് ഫ്രാങ്കോയുടെ ലൈംഗികാതിക്രമ കേസിൽ സി. ലൂസി എടുത്ത നിലാടും ശ്രദ്ധിക്കപ്പെട്ടു. അതേസമയം സി. ലൂസിയുടെ ആരോപണങ്ങൾക്കെതിരെയുള്ള ഫെയ്‌സ് ബുക്ക് പോസ്റ്റാണ് സോഷ്യൽ മീഡിയയിൽ ശ്രദ്ധേയമാകുന്നത്. 

പള്ളിമേടയിൽ നടന്ന അവിവിഹിതം എന്ന പേരിൽ സി. ലൂസി പുറത്തു വിട്ട സംഭവമാണ് ജോസ് സെബാസ്റ്റ്യൻ ദേവസ്യ എന്ന വ്യക്തി പുറത്തുവിട്ട സി.സി. ടിവി ദൃശ്യങ്ങൾ പൊളിച്ചടുക്കുന്നത്. വൈദികന്‍റെയും കന്യാസ്ത്രീയുടെയും അവിഹിത ബന്ധം എന്ന പേരിലാണ് സി. ലൂസി ഇക്കാര്യം പുറത്തു വിട്ടത്. എന്നാൽ സി. ലൂസി പറഞ്ഞ സംഭവത്തിന്‍റെ സി.സി. ടിവി ദൃശ്യമാണ് ഇപ്പോൾ പുറത്തു വന്നത്. കഴിഞ്ഞ ദിവസം ഫെയ്‌‌സ് ബുക്കിലൂടെ പുറത്തുവിട്ട വീഡിയോ ഇതിനോടകം ആയിരക്കണക്കിനു പേരാണ് കണ്ടത്. സിസി ടിവി വീഡിയോയുടെ ലിങ്ക് താഴെ...

പോസ്റ്റിന്‍റെ പൂർണ രൂപം വായിക്കാം.....

കഴിഞ്ഞ ദിവസം ചിലർ വീണ്ടും ലൂസി കളപ്പുരയ്ക്ക് പിന്നാലെ കൂടിയിരുന്നു. അവർ യാദൃശ്ചികമായി കണ്ട ഞെട്ടിക്കുന്ന അനാശാസ്യത്തിന്‍റെ കഥകൾക്കായി കാതോർക്കുകയായിരുന്നു കുറേയേറെപ്പേർ.

വാതിലുകളെല്ലാം തുറന്നിട്ട് ഒരച്ചനും കന്യാസ്ത്രീയും അവിഹിത ബന്ധത്തിൽ ഏർപ്പെടുന്നു. ചങ്ക് തകർന്ന ലൂസി അവരെ തടയാൻ ശ്രമിക്കുന്നു... തടഞ്ഞ ലൂസിയെ അച്ചൻ കൊല്ലാൻ ശ്രമിക്കുന്നു... വളരെ പെട്ടെന്നുതന്നെ പോലീസിൽ അറിയിക്കുന്നു... പോലീസെത്തി ലൂസിയുടെ ജീവൻ രക്ഷിക്കുന്നു... കേട്ടിരിക്കാൻ ഉദ്വേഗജനകമായ കഥ... ലൂസി ഫാൻസിന് മറ്റെന്ത് വേണം?

ലൂസിയുടെ കഥ കേട്ടവർ ഒന്നുകൂടി കേൾക്കുക. കേൾക്കാത്തവർ എവിടെനിന്നെങ്കിലും സംഘടിപ്പിച്ചു കേൾക്കുക. തുടർന്ന് ഈ സിസിടിവി ദൃശ്യങ്ങൾ കാണുക. തന്‍റെ സുപ്പീരിയറായ സിസ്റ്ററെയും നടപടിയെടുത്ത വൈദികനെയുമാണ് ലൂസി പ്രതിക്കൂട്ടിൽ നിർത്തിയിരിക്കുന്നത്. രാവിലത്തെ വിശുദ്ധ കുർബ്ബാന വളരെ നേരത്തെ കഴിയും തുടർന്ന് ഇതിനുമാത്രം സമയം അവർ എന്തുചെയ്യുകയാണ് എന്ന സംശയം തനിക്കുണ്ടായെന്ന് ലൂസി പറയുന്നു.

സിസിടിവിയിൽ കാണാം, 8.10 ഓടെ കുർബ്ബാനകഴിഞ്ഞ് ആദ്യം അച്ചനും കുറച്ചുകഴിഞ്ഞു സിസ്റ്ററും പള്ളിമുറിയിലേയ്ക്ക് വരുന്നത്. അച്ചൻ ളോഹ മാറുന്നതിനായി ബെഡ് റൂമിലേയ്ക്കും, സിസ്റ്റർ തലേദിവസം അച്ചന് ഭക്ഷണം കൊടുത്ത പാത്രം എടുക്കാൻ അടുക്കളയിലേയ്ക്കും പോകുന്നു. (സാധാരണ അച്ചൻ തന്നെയാണ് ഭക്ഷണം ഉണ്ടാക്കാറുള്ളതെങ്കിലും ഇടയ്ക്ക് മഠത്തിൽനിന്ന് അച്ചന് ഭക്ഷണം കൊടുക്കാറുണ്ട്. പ്രായമുള്ള അച്ചന്മാരെക്കുറിച്ച് സന്യാസിനികൾ മാത്രമല്ല, ഇടവകക്കാരും കരുതലുള്ളവരാണ്. അങ്ങനെയാണ് ക്രൈസ്തവർ)

സി.സി. ടി.വി. ദൃശ്യങ്ങൾ കാണാൻ ഈ ലിങ്കിൽ ക്ലിക്ക് ചെയ്യുമല്ലോ..

https://www.facebook.com/josesebastian.devasia/videos/148502963452298/?t=13 

വസ്ത്രം മാറിയ ശേഷം അൽപ്പം കഴിഞ്ഞ് ഭക്ഷണാവശ്യത്തിനായി അച്ചൻ അടുക്കളയിലേയ്ക്ക് പോകുന്നു. അപ്പോൾ സമയം 8.13. ആ സമയത്താണ്, ലൂസി കളപ്പുര സഹജീവി സ്നേഹത്തെ പ്രതി തന്റെ സുപ്പീരിയറെ അന്വേഷിച്ചിറങ്ങുന്നത്. ലൂസി വിശദീകരിക്കുന്നതനുസരിച്ച്, ധ്യാന നിമഗ്നയായ തനിക്ക് എന്തോ ഉൾവിളി കിട്ടിയതുപോലെയാണ് മദറിനെ തേടി പോകുന്നത്. ഫോണിലൂടെ ധ്യാനിച്ചുകൊണ്ട്, ഒരു മോഷ്ടാവിനെപ്പോലെ പരാതി നടക്കുന്ന ചുരിദാർ ധരിച്ച ലൂസിയെ സിസിടിവിയിൽ വ്യക്തമായി കാണാം. അപ്പോൾ സമയം 8. 19... അതായത്, അച്ചൻ അടുക്കളയിലേയ്ക്ക് കയറിയിട്ട് 6 - 7 മിനിട്ട്. ഒരു ചായ തിളയ്ക്കാൻ എത്ര സമയമെടുക്കുമെന്ന് പറയേണ്ടതില്ലല്ലോ...

ഫോണിൽ ആരോടോ താൻ കാണുന്നത് വിശദീകരിച്ചുകൊണ്ടും, പദ്ധതികൾ പ്ലാൻ ചെയ്തുകൊണ്ടും ലൂസി കളപ്പുര പള്ളിമുറിക്കുള്ളിലേയ്ക്ക് പ്രവേശിക്കുകയാണ്. വാതിലുകൾ തുറന്നിട്ടിരിക്കുകയായിരുന്നു എന്ന് അവർതന്നെ പറയുന്നു. അപ്പോൾ സമയം 8.20 കഴിഞ്ഞ് ആറു നിമിഷം. തുടർന്നുള്ള മുപ്പത് സെക്കന്റുകൾ വളരെ നിർണ്ണായകമാണ്. ലൂസി വിശദീകരിക്കുന്നതനുസരിച്ച്, ആ കെട്ടിടത്തിന്‍റെ മറ്റേ അറ്റത്തുള്ള അടുക്കളയിൽ ചെന്ന് അവർ പറഞ്ഞതുപോലുള്ള ദൃശ്യം കണ്ട് കുറച്ചു നിമിഷങ്ങൾ സ്തബ്ദയായി നിന്ന്, അതുവരെയും തന്നെ കാണാത്ത അച്ചനെയും സിസ്റ്ററെയും താൻ എത്തിയെന്ന് അറിയിച്ച്, അവരെ പ്രതിഷേധം അറിയിച്ച്, തിരികെ പുറത്തെത്താൻ അവശേഷിക്കുന്നത് കേവലം മുപ്പത് സെക്കന്റ് ആണ്. അതിനിടയിൽ അച്ചൻ ലൂസിയെ കൊല്ലാൻ നോക്കുന്നുമുണ്ട്.

പുറത്തുനിന്ന് ഫോണിൽ സംസാരിച്ച് അകത്തുകയറുന്ന ലൂസി തിരികെ പുറത്തിറങ്ങിയിട്ടാണ് ഫോൺ ചെവിയിൽ നിന്ന് എടുക്കുന്നത് എന്നുള്ളത് നമുക്ക് സിസിടിവി ദൃശ്യങ്ങളിൽ കാണുകയും ചെയ്യാം. സ്വാഭാവികമായി നടന്ന് മുറിക്ക് പുറത്തിറങ്ങുന്ന ലൂസി വാതിൽ പുറത്തുനിന്ന് അടയ്ക്കാൻ ശ്രമിക്കുമ്പോഴാണ് അച്ചൻ ഉള്ളിൽനിന്ന് എത്തുന്നതും അതുകണ്ട് അവർ ഓടുന്നതും എന്ന് ദൃശ്യങ്ങളിൽ നിന്ന് വ്യക്തം.

ആ മുപ്പത് സെക്കന്റിൽ സംഭവിച്ചതായി ലൂസി പറഞ്ഞത് കണ്ണടച്ച് വിശ്വസിക്കുന്നവർ വിശ്വസിച്ചുകൊള്ളുക. എന്നാൽ, അകത്ത് സംഭവിച്ചത് എന്താണെന്ന് കേൾക്കാൻ താൽപ്പര്യമുള്ളവർ കേൾക്കുക. അടുക്കളയിൽ അച്ചൻ പാൽ പാത്രത്തിലാക്കി തിളപ്പിക്കാൻ അടുപ്പിൽ വയ്ക്കുന്നു. സിസ്റ്റർ തലേദിവസത്തെ പാത്രം കഴുകിക്കൊണ്ടു നിൽക്കുന്നു. പെട്ടെന്ന് ഒരു ആൾപെരുമാറ്റം കേട്ട് അച്ചൻ തിരിഞ്ഞു നോക്കിയപ്പോൾ, ചുരിദാർ ധരിച്ച്, ഫോൺ ചെവിയിൽ വച്ച് ഒരു സ്ത്രീ നിൽക്കുന്നു. പെട്ടെന്ന് ആളെ മനസിലായില്ല. "എന്താ കാര്യം?" എന്ന് ചോദിച്ചപ്പോൾ അവർ പെട്ടെന്ന് തിരികെ നടന്നു, പുറത്തിറങ്ങി വാതിൽ അടച്ചു. സാധാരണ തുറന്നുകിടക്കാറുണ്ടായിരുന്ന വാതിൽ പുറത്തുനിന്ന് അടച്ചപ്പോൾ, അച്ചൻ വലിച്ചു തുറക്കുകയും ലൂസി ഓടിയപ്പോൾ പിന്നാലെ ചെല്ലുകയും ഉണ്ടായി... ഇതാണ് സംഭവിച്ചത്. ഏതാണ് വിശ്വസനീയം എന്ന് ചിന്താശേഷിയുള്ളവർ തീരുമാനിക്കുക.

ഇവിടെ ലൂസിയും കൂട്ടരും പ്ലാൻ ചെയ്‌ത് ഒരു കെണി ഒരുക്കാനായിരുന്നു എന്ന് വ്യക്തം. ആരോ പുറത്ത് ഉണ്ടായിരുന്നിരിക്കണം. അച്ചനെയും സിസ്റ്ററിനെയും കിച്ചണിലോ മറ്റോ ഇട്ടു പൂട്ടി ആളെക്കൂട്ടാനായിരിക്കണം അവർ ഒരുപക്ഷെ പദ്ധതിയിട്ടത്. അല്ലെങ്കിൽ മറ്റെന്തെങ്കിലുമാവാം. ആ സമയത്ത് അവർ ഫോണിൽ സംസാരിച്ചുകൊണ്ടിരുന്നത് ആരോടാണ് എന്ന് മനസിലാക്കാൻ കഴിഞ്ഞാൽ ഒരു ഗൂഢാലോചനയുടെ ചുരുളഴിയും. സംഭവിച്ച കാര്യങ്ങൾ വിവരിച്ച് ഉത്തരവാദിത്തപ്പെട്ടവർ കേസ് കൊടുക്കുമെന്നും, ഈ കേസിലെങ്കിലും പോലീസ് സത്യത്തിന്റെ പക്ഷത്ത് ഇടപെടുമെന്നും പ്രതീക്ഷിക്കാം.

#കേൾക്കാൻ_ചെവിയുള്ളവർ_കേൾക്കട്ടെ