തൃശൂർ: പ്രണയ നൈരാശ്യത്തെ തുടർന്ന് പ്ലസ് ടു വിദ്യാർഥി പുഴയിൽ ചാടി. ഇരിങ്ങാലക്കുട കരുവന്നൂർ പുഴയിലാണ് ഇരിങ്ങാലക്കുട സ്വദേശി അലൻ ക്രിസ്റ്റോ (18) ചാടിയത്. പ്രണയ നൈരാശ്യത്തെ തുടർന്നാണ് പുഴയിൽ ചാടുന്നതെന്ന് കാട്ടി വിദ്യാർഥി എഴുതിയ കുറിപ്പ് കണ്ടെത്തിയിട്ടുണ്ട്. കുട്ടിക്കായി തിരച്ചിൽ തുടരുകയാണ്.
ബുധനാഴ്ച്ച ഉച്ചയോടെയാണ് സംഭവം നടന്നത്. കരുവന്നൂർ പാലത്തിനു സമീപം സൈക്കിൾ നിർത്തി വച്ച വിദ്യാർഥി പുഴയിലേക്ക് ചാടുകയായിരുന്നു. മൂർക്കനാട് സ്വദേശിയായ ഇലക്‌ട്രീഷൻ അജയൻ സംഭവ സ്ഥലത്തുണ്ടായിരുന്നു.
ഇയാൾ പാലത്തിനു താഴെയെത്തി വഞ്ചിയെടുത്ത് പുഴയിലേക്ക് ഇറങ്ങിയെങ്കിലും കുട്ടി മുങ്ങിത്താണിരുന്നു. ചിമ്മിനി ഡാം തുറന്നതിനാൽ പുഴയിൽ നല്ല ഒഴുക്കായിരുന്നു. അവിട്ടത്തൂർ എൽബിഎസ്എം സ്‌കൂളിലെ വിദ്യാർഥിയാണ്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/LI5CtDALiuGFq6TUngq6K5
അഞ്ച് ദിവസം കൂടി വ്യാപക മഴ
തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം ഇടിമിന്നലോട് കൂടിയ വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. മധ്യപ്രദേശിന് മുകളിലെ ന്യൂനമർദം ചക്രവാതചുഴിയായി ദുർബലമായിട്ടുണ്ട്. മൺസൂൺ പാത്തി ചെറുതായി വടക്കോട്ട് നീങ്ങാനും തുടങ്ങി.
അടുത്ത രണ്ട് മൂന്ന് ദിവസത്തിനുള്ളിൽ ഇത് കൂടുതൽ വടക്കോട്ട് നീങ്ങാനാണ് സാധ്യത. ഗുജറാത്ത് തീരം മുതൽ കർണാടക തീരം വരെ ന്യൂനമർദപാത്തി നിലനിൽക്കുകയാണ്. ഇതിന്‍റെയെല്ലാം സ്വാധീനഫലമായിട്ടാണ് മഴ പ്രവചിക്കുന്നത്.
വ്യാഴാഴ്ച്ചവരെ ഒറ്റപ്പെട്ട ശക്തമായ മഴയും പ്രവചിക്കുന്നുണ്ട്. ബുധനാഴ്ച്ച എറണാകുളം, ഇടുക്കി, പാലക്കാട്, മലപ്പുറം, കണ്ണൂർ, കാസർകോട് ജില്ലകളിൽ യെല്ലോ അലർട്ടുണ്ട്. വ്യാഴാഴ്ച്ച ആലപ്പുഴ, കോട്ടയം, എറണാകുളം, ഇടുക്കി, മലപ്പുറം ജില്ലകളിലും മഴ മുന്നറിയിപ്പുണ്ട്.
Post A Comment: