ഇരുന്നു മാത്രമല്ല, കിടന്നും യാത്ര ചെയ്യാം; കിടിലൻ ഓഫറുമായി എയർ ഇന്ത്യ

ദുബായ്: യാത്രികർക്ക് കിടന്നുറങ്ങി യാത്ര ചെയ്യാനുള്ള സൗകര്യവുമായി എയർ ഇന്ത്യ. ദുബായിൽ നിന്നും ഡെൽഹിയിലേക്കുള്ള യാത്രയിലാണ് ഈ മാസം 20 മുതൽ ഒക്റ്റോബർ 27 വരെ തിങ്കൾ, ചൊവ്വ, ബുധൻ ദിവസങ്ങളിൽ കിടന്നുറങ്ങാൻ സൗകര്യം നൽകുന്നത്. ഒന്നാം ക്ലാസ് ടിക്കറ്റ് എടുക്കുന്നവർക്കാണ് എഐ 996 വിമാനത്തിൽ ഈ സൗകര്യം ലഭിക്കുക.

നേരത്തെ ഈ സംവിധാനം ഇല്ലായിരുന്നു. 3230 ദിർഹം മുതലാണ് ടിക്കറ്റ് നിരക്ക്. 50 കിലോ ബാഗേജും 12 കിലോ ഹാൻഡ് ബാഗേജും കൊണ്ടു പോകാം. ഒന്നാം ക്ലാസിൽ എട്ട്, ബിസിനസ് ക്ലാസിൽ 35, ഇക്കോണമി ക്ലാസിൽ 195 സീറ്റുകളാണ് ഈ വിമാനത്തിലുള്ളത്. 

ഇതിനു പുറമേ ദുബായിൽ നിന്നും കൊച്ചി, തിരുവനന്തപുരം, ചെന്നൈ എന്നിവിടങ്ങളിലേക്ക് യാത്ര ചെയ്യുന്നവർക്ക് ഒക്റ്റോബർ 31 വരെ 10 കിലോ അധിക ബാഗേജ് കൊണ്ടുപോകാനും എയർ ഇന്ത്യ അവസരം നൽകുന്നുണ്ട്. ഇക്കോണമി ക്ലാസിൽ ആകെ 40 കിലോയും ബിസിനസ് ക്ലാസിൽ 50 കിലോയും കൊണ്ടു പോകാം. നേരത്തെ ഇത് യഥാക്രമം 30,40 കിലോയായിരുന്നു. 310 ദിർഹം മുതലാണ് ഈ റൂട്ടുകളിലെ ടിക്കറ്റ് നിരക്ക്. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L67XbjS4vdxJpqM0Dz7ehJ

ലൈംഗിക ബന്ധം നടക്കാതെ ഭാര്യ പ്രസവിച്ചു; കുട്ടിയുടെ ഡിഎൻഎ പരിശോധിക്കാൻ അനുമതി 

കൊച്ചി: ലൈംഗിക ബന്ധം നടക്കാതെ ഭാര്യ കുഞ്ഞിന് ജൻമം നൽകിയ സംഭവത്തിൽ കുട്ടിയുടെ ഡി.എൻ.എ പരിശോധന നടത്താൻ ഹൈക്കോടതി ഉത്തരവ്. പട്ടാളക്കാരനായ യുവാവ് 2006ലാണ് വിവാഹിതനായത്. വിവാഹം കഴിഞ്ഞ് 22 ദിവസത്തെ ലീവ് കഴിഞ്ഞ് മടങ്ങിപ്പോകുകയും ചെയ്‌തു. 200ലാണ് ഭാര്യ കുഞ്ഞിന് ജൻമം നൽകിയത്. തുടർന്ന് യുവാവ് വിവാഹ ബന്ധം വേർപെടുത്തണമെന്നാവശ്യപ്പെട്ട് കുടുംബ കോടതിയെ സമീപിക്കുകയായിരുന്നു. 

കുട്ടിയുടെ ഡിഎൻഎ ടെസ്റ്റ് നടത്തണമെന്ന ആവശ്യം കുടുംബ കോടതി അംഗീകരിക്കാതെ വന്നതോടെയാണ് യുവാവ് ഹൈക്കോടതിയെ സമീപിച്ചത്. കേസിൽ വാദം കേട്ട ഹൈക്കോടതിയാണ് കുട്ടിയുടെ ഡിഎൻഎ പരിശോധന നടത്താൻ നിർദേശിച്ചത്. ഭാര്യ തന്നെ വഞ്ചിക്കുകയാണെന്നും വിവാഹ മോചനം വേണമെന്നുമാവശ്യപ്പെട്ടാണ് യുവാവ് ഹൈക്കോടതിയെ സമീപിച്ചത്. 

ഭാര്യയുടെ സഹോദരീ ഭർത്താവാണ് കുട്ടിയുടെ പിതാവെന്നും പരാതിക്കാരൻ ആരോപിക്കുന്നു. വന്ധ്യതയുള്ളതിനാൽ തനിക്ക് കുട്ടികളുണ്ടാകില്ല. ഭാര്യയുമായി താൻ ലൈംഗിക ബന്ധത്തിൽ ഏർപ്പെട്ടിട്ടില്ല. 22 ദിവസം മാത്രമാണ് നാട്ടിലുണ്ടായിരുന്നത്. ഈ സമയത്ത് ലൈംഗിക ബന്ധം നടന്നിട്ടില്ലെന്നും യുവാവ് കോടതിയെ അറിയിച്ചു. യുവാവിന്‍റെ ചികിത്സാ രേഖകളും കോടതിക്ക് മുമ്പാകെ സമർപ്പിച്ചിട്ടുണ്ട്.