മുംബൈ: ആദ്യത്തെ കൺമണിക്കായുള്ള കാത്തിരിപ്പിനിടെ നേരിടേണ്ടി വന്ന ബോഡി ഷെയിമിങ്ങിനെതിരെ പ്രതികരിച്ചിരിക്കുകയാണ് നടി കാജൽ അഗർവാൾ. ഏതാനും ദിവസം മുമ്പാണ് കാജർ അഗർവാളും ഭർത്താവ് ഗൗതം കിച്ലുവും തങ്ങൾക്ക് കുഞ്ഞുണ്ടാകാൻ പോകുന്ന കാര്യം ആരാധകരെ അറിയിച്ചത്.
ഒപ്പം ഗർഭകാല ചിത്രങ്ങളും കാജൽ പങ്കുവച്ചിരുന്നു. ബേബി ബംബ് കാണിച്ചുള്ള ചിത്രങ്ങൾ പങ്കുവച്ചതോടെ സൈബർ ഇടത്ത് കാജലിനെതിരെ വിമർശനങ്ങളും ഉയർന്നു.
ചിലർ താരത്തിന്റെ ശരീരത്തെ പരിഹസിക്കുന്ന കമന്റുകളും നൽകി. ഇതോടെയാണ് താരം പ്രതികരണവുമായി രംഗത്തെത്തിയിരിക്കുന്നത്. ദുബായിലുള്ള താരം താൻ ഏറ്റവും മനോഹരമായ ഘട്ടങ്ങളിലൂടെയാണ് കടന്നു പോകുന്നതെന്നും എന്നാൽ ചില കമന്റുകളും ബോഡി ഷെയ്മിങ്ങുകളും തന്നെ മോശമായി ബാധിക്കുമെന്നും കുറിപ്പിൽ പറയുന്നുണ്ട്.
കാജലിന്റെ കുറിപ്പ് വായിക്കാം
എന്റെ ജീവിതത്തിലെ ഏറ്റവും മനോഹരമായ ഒരു ഘട്ടത്തിലൂടെയാണ് ഞാനിപ്പോള് കടന്നുപോകുന്നത്. എന്റെ ജീവിതത്തിലും ശരീരത്തിലും വീട്ടിലും അതിനേക്കാളുപരി എന്റെ തൊഴിലിടത്തിലും മാറ്റങ്ങള് വരുന്നു. എന്നാല് ബോഡിഷെയ്മിങ് നടത്തുന്ന ഈ കമന്റുകള് ഒരിക്കലും നമ്മെ സഹായിക്കുകയില്ല. ജീവിക്കൂ, ജീവിക്കാന് അനുവദിക്കൂ.
ഗര്ഭകാലത്ത് നമ്മുടെ ശരീരം നിരവധി മാറ്റങ്ങളിലൂടെ കടന്നുപോകും. ഭാരം വര്ധിക്കും, ഹോര്മോണുകളില് വ്യതിയാനം സംഭവിക്കും, കുഞ്ഞ് വളരുന്നതിനോടൊപ്പം വയറും സ്തനവും വലുതാകും, കുഞ്ഞിന്റെ സുഖകരമായ വളര്ച്ചക്കായി ശരീരം പാകപ്പെടുമ്പോഴാണ് അങ്ങനെ സംഭവിക്കുന്നത്.
ശരീരം വികസിക്കുമ്പോള് ചിലര്ക്ക് സ്ട്രെച്ച് മാര്ക്കുകള് ഉണ്ടാകും, ചിലപ്പോള് മുഖക്കുരു വരും, ക്ഷീണം തോന്നും, മാനസികാവസ്ഥ മാറിക്കൊണ്ടിരിക്കും. ഈ സമയത്തുണ്ടാകുന്ന നെഗറ്റീവ് ചിന്തകള് ആരോഗ്യത്തെ പോലും ബാധിക്കാം.. കുഞ്ഞിന് ജന്മം നല്കിയാല് പഴയ രൂപത്തിലേക്ക് തിരിച്ചുപോകാന് സമയമെടുക്കും. അല്ലെങ്കില് പൂര്ണമായും പഴയതുപോലെ ആകാന് സാധിച്ചെന്നും വരില്ല.
ഈ മാറ്റങ്ങളെല്ലാം സ്വാഭാവികമാണ്. നമ്മുടെ ജീവിതത്തിലേക്ക് പുതിയ ഒരാളെകൊണ്ടുവരാനുള്ള കഷ്ടപ്പാടിന്റെ ഭാഗമാണിത്. ഇതെല്ലാം അസാധാരണമാണെന്ന് കരുതേണ്ടതില്ല, ഇതെല്ലാം ഒരു കുഞ്ഞിന് ജന്മം നല്കുന്നതിന്റെ ഭാഗമാണെന്ന് മാത്രം മനസിലാക്കണം.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GFiO4fXCQd3BswL7p5oEzF
ബാബുവിനെ രക്ഷപെടുത്തി സൈന്യം
പാലക്കാട്: മലമ്പുഴയിൽ മലയിടുക്കിൽ കുടുങ്ങിയ യുവാവിനെ 46 മണിക്കൂറിനു ശേഷം രക്ഷപെടുത്തി. സൈന്യത്തിന്റെ നേതൃത്വത്തിൽ നടത്തിയ രക്ഷാ ദൗത്യത്തിലാണ് ബാബുവിനെ രക്ഷപെടുത്താനായത്. ദൗത്യ സംഘത്തിലെ രണ്ട് പേർ കയറിലൂടെ ബാബുവിന്റെ അരികിലെത്തി. തുടർന്ന് കയർ അരയിൽ കെട്ടിയ ശേഷം ബാബുവിനെ മലയുടെ മുകളിൽ എത്തിക്കുകയായിരുന്നു.
ബാബുവിനെ ഹെലികോപ്റ്റർ ഉപയോഗിച്ച് എയർലിഫ്റ്റ് ചെയ്ത് ആശുപത്രിയിലേക്ക് മാറ്റും. ബാബുവിന് കുറച്ച് മുമ്പാണ് വെള്ളവും ഭക്ഷണവും എത്തിച്ചത്. സൈന്യമാണ് വെള്ളവും ഭക്ഷണവും നല്കിയത്. ദൗത്യസംഘത്തിലെ ഒരാള് കയറിലൂടെ ഇറങ്ങിയാണ് വെള്ളവും ഭക്ഷണവും എത്തിച്ചത്. രണ്ട് കുപ്പി വെള്ളമാണ് നല്കിയത്. വെള്ളം നല്കുന്നതിനായി വലിയ ഡ്രോണ് കോയമ്പത്തൂരില് നിന്ന് എത്തിച്ചിരുന്നു.
എന്നാല് അതിന് മുമ്പേ അദ്ദേഹത്തിന് സൈന്യം വെള്ളവും ഭക്ഷണവും നല്കി. ഇന്നലെ വെള്ളവും ഭക്ഷണവും എത്തിക്കാന് ശ്രമിച്ചെങ്കിലും പരാജയപ്പെട്ടിരുന്നു. 20 അംഗ എന്ഡിആര്എഫ് ടീം, രണ്ട് യൂണിറ്റ് കരസേന, ഫയര്ഫോഴ്സ് എന്നിവരാണ് രക്ഷാദൗത്യത്തിന് നേതൃത്വം നല്കുന്നത്. രക്ഷാപ്രവര്ത്തനത്തിനായി ബേസ് ക്യാമ്പ് തുറന്നു. മെഡിക്കല് ടീമും സജ്ജമാണ്.
മൂന്ന് സുഹൃത്തുക്കളോടൊപ്പം തിങ്കളാഴ്ചയാണ് ബാബു മലകയറിയത്. ഒരു കിലോമീറ്റര് ഉയരമുള്ള മലയുടെ മുകളിലെത്തുകയായിരുന്നു ലക്ഷ്യം. എന്നാല് കയറുന്നതിനിടയില് ക്ഷീണം തോന്നിയ സുഹൃത്തുക്കള് വിശ്രമിച്ച സമയം ബാബു കുറച്ചുകൂടി ഉയരത്തിലേക്ക് പോയി. അവിടെ നിന്ന് കൂട്ടുകാരുടെ അടുത്തേക്ക് ഇറങ്ങുമ്പോള് കാല് വഴുതി കുത്തനെയുള്ള മലയിലൂടെ താഴേക്ക് വീണ് പാറയിടുക്കില് കുടുങ്ങി.
കാലിന് ചെറിയ പരുക്കേറ്റു. തിരിച്ചെത്തിയ കൂട്ടുകാരാണ് ബാബു കുടുങ്ങിയ കാര്യം അറിയിക്കുന്നത്. കൈയില് ഫോണുണ്ടായത് ബാബുവിന് തുണയായി. കൂട്ടുകാര്ക്കും പൊലീസിനും ബാബു കുടുങ്ങിക്കിടക്കുന്ന സ്ഥലത്തിന്റെ ഫോട്ടോ എടുത്ത് അയച്ചു നല്കി സഹായമഭ്യർഥിച്ചു.
Post A Comment: