സ്‌തനങ്ങൾ വലിപ്പം കൂട്ടണം; ലഭിച്ച മോശം ഉപദേശത്തെ കുറിച്ച് ദീപിക

മുംബൈ: ബോളിവുഡ് നടി ദീപിക പദുക്കോൺ നൽകിയ അഭിമുഖത്തിലെ ചില കാര്യങ്ങളാണ് ഇപ്പോൾ സൈബർ ഇടത്ത് ചർച്ചാ വിഷയമാകുന്നത്. ആമസോൺ പ്രൈമിൽ റിലീസ് ചെയ്‌ത ദീപികയുടെ പുതിയ ചിത്രം ഗെഹരായിയാന് ലഭിച്ച മികച്ച പ്രതികരണത്തിനു പിന്നാലെയാണ് ദിപീകയുടെ അഭിമുഖവും പുറത്തു വരുന്നത്.  

തന്‍റെ കരിയറിലുണ്ടായ അനുഭവങ്ങളെകുറിച്ച് ദിപീക അഭിമുഖത്തിൽ വെളിപ്പെടുത്തുന്നുണ്ട്. ഫിലിം ഫെയറിന് നൽകിയ അഭിമുഖത്തിൽ കരിയറിൽ ലഭിച്ച ഏറ്റവും മോശം ഉപദേശവും ഏറ്റവും നല്ല ഉപദേശവും എന്താണെന്നും ദീപിക വെളിപ്പെടുത്തുന്നു. 

തനിക്ക് ലഭിച്ച ഏറ്റവും മോശം ഉപദേശമായി ദീപിക പറയുന്നത് പതിനെട്ടാം വയസിലുണ്ടായ അനുഭവമാണ്. സ്തനങ്ങൾക്ക് വലുപ്പം കൂട്ടണമെന്നും ഇതിനായി ശസ്ത്രക്രിയ നടത്തണമെന്നുമായിരുന്നു അത്. വെറും പതിനെട്ട് വയസായിരുന്നു അന്നെനിക്ക് പ്രായം. അത് കാര്യമായി എടുക്കാതിരിക്കാനുള്ള ബുദ്ധി എനിക്കെങ്ങനെ ഉണ്ടായി എന്ന് പലപ്പോഴും ചിന്തിക്കാറുണ്ടെന്നും ദീപിക പറയുന്നു.

ഏറ്റവും മികച്ച ഉപദേശം ലഭിച്ചത് ഷാരൂഖ് ഖാനിൽ നിന്നാണെന്നും ദീപിക. ഷാരൂഖ് ഖാന്‍റെ നായികയായി ഓം ശാന്തി ഓശാനയിലൂടെയാണ് ദീപിക ബോളിവുഡിൽ എത്തുന്നത്. ഷാരൂഖാനിൽ നിന്ന് താൻ ഒരുപാട് കാര്യങ്ങൾ പഠിച്ചിട്ടുണ്ട്. തനിക്ക് ഏറ്റവും നല്ല ഉപദേശം തന്നതും അദ്ദേഹമാണ്. നല്ല സമയം ചെലവഴിക്കാനാകുമെന്ന് നിങ്ങൾക്ക് ഉറപ്പുള്ളവർക്കൊപ്പം അഭിനയിക്കണമെന്നാണ് അദ്ദേഹം പറഞ്ഞത്. 

കാരണം ഒരു സിനിമയെടുക്കുമ്പോൾ നിങ്ങൾ സ്വന്തം ജീവിതം കൂടിയാണ് ജീവിക്കുന്നത്. അവർക്കൊപ്പമുള്ള ഓർമകളും അനുഭവങ്ങളും കൂടിയാണ് ഉണ്ടാക്കുന്നത്. ഇതായിരുന്നു ഷാരൂഖിന്‍റെ ഉപദേശം. ആദ്യം ചിത്രം മുതൽ ഷാരൂഖുമായി അടുത്ത ബന്ധം സൂക്ഷിക്കുന്ന നടിയാണ് ദീപിക.

ഇരുവരും ഒന്നിച്ചഭിനയിക്കുന്ന പുതിയ ചിത്രം പഠാൻ ചിത്രീകരണം പുരോഗമിക്കുകയാണ്. ഷാരൂഖും ദീപികയും ഒന്നിച്ചഭിനയിക്കുന്ന നാലാമത്തെ ചിത്രമാണിത്. ഓം ശാന്തി ഓമിനു ശേഷം ചെന്നൈ എക്സ്പ്രസ്സ്, ഹാപ്പി ന്യൂ ഇയർ എന്നീ ചിത്രങ്ങളും ഇവരുടേതായി പുറത്തിറങ്ങി.

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/DnZkuEEgZHP5lo60i9Xm4L

ഇടുക്കിയിൽ ഏലക്കാ സ്റ്റോറിൽ സ്ഫോടനം 

ഇടുക്കി: ഏലക്കാ സ്റ്റോറിലുണ്ടായ സ്ഫോടനത്തിൽ തൊഴിലാളി രക്ഷപെട്ടത് തലനാരിഴയ്ക്ക്. നെടുങ്കണ്ടം കോമ്പയാറിലാണ് ഉഗ്ര സ്ഫോടനം ഉണ്ടായത്. തിങ്കളാഴ്ച്ച പുലർച്ചെ 3.30 ഓടെയായിരുന്നു സംഭവം. കോമ്പയാർ ഗ്രീൻഗോൾഡ് കാർഡമം സ്റ്റോറിലാണ് അതുഗ്ര സ്ഫോടനം ഉണ്ടായത്. 

സ്റ്റോറിന്‍റെ ഇരുമ്പു ഡോറുകൾ അടക്കം സ്ഫോടനത്തിൽ ചിതറി തെറിച്ചു. ഇവിടെ സൂക്ഷിച്ചിരുന്ന 800 കിലോയോളം ഏലക്കായും കത്തി നശിച്ചതായിട്ടാണ് വിവരം. 

സ്റ്റോറിനു പുറത്തു നിർത്തിയിട്ടിരുന്ന കാറിനും കേടുപാടുണ്ടായി. സ്ഫോടന സമയത്ത് തൊഴിലാളി സ്റ്റോറിനുള്ളിൽ ഉറങ്ങുന്നുണ്ടായിരുന്നെങ്കിലും പരുക്കേൽക്കാതെ രക്ഷപെട്ടു. പൊലീസ് സ്ഥലത്തെത്തിയിട്ടുണ്ട്. സ്ഫോടനം നടക്കാനുണ്ടായ സാഹചര്യം പരിശോധിച്ചു വരികയാണെന്ന് പൊലീസ് അറിയിച്ചു.