ഇടുക്കി: ആദിവാസി ജനവിഭാഗത്തിനു പട്ടയം അനുവദിക്കുന്നതിൽ വീഴ്ച്ച വരുത്തിയ ഇടുക്കി തഹസിൽദാർക്ക് സസ്പെൻഷൻ. ഇടുക്കി താലൂക്ക് പരിധിയില്പെട്ട കഞ്ഞിക്കുഴി പഞ്ചായത്തിലെ ആദിവാസി ജനവിഭാഗങ്ങള്ക്ക് പട്ടയം അനുവദിക്കുന്നതില് വീഴ്ച്ചകള് വരുത്തിയതിനാണ് തഹസില്ദാര് വിന്സന്റ് ജോസഫിനെ സര്വ്വീസില് നിന്ന് സസ്പെന്ഡ് ചെയ്തത്.
പട്ടയം അനുവദിക്കുന്നില്ല എന്ന് പറഞ്ഞുള്ള നിരവധി പരാതികള് റവന്യു മന്ത്രിക്ക് ലഭിച്ചിരുന്നു. പരാതികളുടെ അടിസ്ഥാനത്തില് സര്ക്കാര് തല അന്വേഷണം നടത്തി റിപ്പോര്ട്ട് സമര്പ്പിക്കുന്നതിന് റവന്യൂ മന്ത്രി കെ. രാജന് ആവശ്യപ്പെട്ടിരുന്നു. ഈ അന്വേഷണ റിപ്പോര്ട്ടില് തഹസില്ദാരുടെ ഭാഗത്തു നിന്നും ഗുരുതരമായ വീഴ്ച്ചകള് ഉണ്ടെന്ന് കണ്ടെത്തിയിരുന്നു.
പട്ടയ അപേക്ഷകളില് സ്വജനപക്ഷപാതത്തോടയാണ് ഇടപെട്ടിരുന്നതെന്നും ബോധ്യപ്പെട്ടു. ഇഷ്ടക്കാരുടെ ഭൂമിയുടെ സര്വ്വേ നമ്പര് മാത്രം ഉള്പ്പെടുത്തി അസൈനബിള് ലാന്റ് ലിസ്റ്റ് തയ്യാറാക്കുകയും ഒരു വ്യക്തിക്ക് ഒന്നില് കൂടുതല് പട്ടയം അനുവദിക്കുന്നുവെന്നും അന്വേഷണത്തില് കണ്ടെത്തിയിട്ടുണ്ട്.
സീനിയോരിറ്റി മറികടന്ന് ഇഷ്ടക്കാര്ക്ക് പട്ടയം അനുവദിക്കുകയും, പട്ടയം അനുവദിച്ച ഭൂമിയില് നിയമാനുസൃതമല്ലാതെ പരിവര്ത്തനങ്ങള് ശ്രദ്ധയില് പെട്ടിട്ടും യാതൊരു നടപടിയും തഹസില്ദാര് സ്വീകരിച്ചിരുന്നില്ല. ഇതിന്റെ അടിസ്ഥാനത്തിലാണ് തഹസില്ദാര്ക്കെതിരെ അച്ചടക്ക നടപടി സ്വീകരിക്കുവാന് മന്ത്രി നിര്ദ്ദേശിച്ചത്.
മന്ത്രിയുടെ നിര്ദ്ദേശത്തെ തുടര്ന്ന് അഡീഷണല് ചീഫ് സെക്രട്ടറി (റവന്യൂ) ഡോ. എ. ജയതിലക് തഹസില്ദാരെ സസ്പെന്റ് ചെയ്തു കൊണ്ടുള്ള ഉത്തരവിറക്കുകയായിരുന്നു. അഴിമതിയും സ്വജനപക്ഷപാതവും വെച്ചു പൊറുപ്പിക്കില്ലായെന്നും ശ്രദ്ധയില്പെട്ടാല് കര്ശനമായ നടപടികള് ഉണ്ടാകുമെന്നും ഭൂമിയില്ലാത്ത പാവപ്പെട്ടവര്ക്ക് ഭൂമി നല്കുകയാണ് സര്ക്കാരിന്റെ ലക്ഷ്യമെന്നും റവന്യൂ വകുപ്പ് മന്ത്രി കെ. രാജന് പറഞ്ഞു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/DnZkuEEgZHP5lo60i9Xm4L
ലോഡ്ജ് മുറിയിൽ ലിംഗമാറ്റ ശസ്ത്രക്രിയ നടത്തിയ യുവാവ് മരിച്ചു
ഹൈദ്രാബാദ്: സ്ത്രീയാകാൻ ലോഡ്ജ് മുറിയിൽവച്ച് ലിംഗ മാറ്റ ശസ്ത്രക്രിയക്ക് വിധേയനായ യുവാവ് രക്തം വാർന്ന് മരിച്ചു. ആന്ധ്രപ്രദേശിലെ പ്രകാശം സ്വദേശി ശ്രീനാഥാണ് (28) ദാരുണമായി മരിച്ചത്. ഹൈദ്രാബാദിലെ നെല്ലൂരിലെ ഒരു ലോഡ്ജിലാണ് ഇയാളെ മരിച്ച നിലയിൽ കണ്ടെത്തിയത്. സംഭവവുമായി ബന്ധപ്പെട്ട് ശസ്ത്രക്രിയ നടത്തിയ രണ്ട് ബിഫാം വിദ്യാർഥികളെ പൊലീസ് അറസ്റ്റ് ചെയ്തിട്ടുണ്ട്. മസ്താന്, ജീവ എന്നിവരാണ് അറസ്റ്റിലായത്. ഇവരാണ് ശ്രീനാഥിനെ ശസ്ത്രക്രിയക്ക് വിധേയരാക്കിയതെന്ന് പൊലീസ് പറഞ്ഞു.
കഴിഞ്ഞ വ്യാഴാഴ്ചയാണ് ശ്രീനാഥിനെ നെല്ലൂരിലെ ലോഡ്ജ് മുറിയില് മരിച്ചനിലയില് കണ്ടെത്തിയത്. ലോഡ്ജ് ജീവനക്കാരാണ് യുവാവിന്റെ മൃതദേഹം ആദ്യം കണ്ടത്. തുടര്ന്ന് ജീവനക്കാര് പൊലീസില് വിവരമറിയിക്കുകയായിരുന്നു. പൊലീസ് നടത്തിയ അന്വേഷണത്തിലാണ് ലിംഗമാറ്റ ശസ്ത്രക്രിയക്കിടെയാണ് യുവാവിന്റെ മരണം സംഭവിച്ചതെന്ന് കണ്ടെത്തിയത്. തുടര്ന്ന് നടത്തിയ അന്വേഷണത്തിലാണ് വാട്ട്സാപ്പിലൂടെ പരിചയപ്പെട്ട ഫാര്മസി വിദ്യാര്ഥികളാണ് ലോഡ്ജ് മുറിയില്വെച്ച് ശസ്ത്രക്രിയ നടത്തിയതെന്നും പൊലീസ് കണ്ടെത്തിയത്.
ശസ്ത്രക്രിയ നടത്താനായാണ് ശ്രീകാന്തും വിദ്യാര്ഥികളും നെല്ലൂരിലെ ലോഡ്ജില് മുറിയെടുത്തതെന്ന് പൊലീസ് വ്യക്തമാക്കി. ശ്രീനാഥ് തന്റെ അമ്മാവന്റെ മകളെയായിരുന്നു വിവാഹം കഴിച്ചിരുന്നത്. എന്നാല് വൈകാതെ ശ്രീകാന്ത് ഭാര്യയുമായുള്ള ബന്ധം ഉപേക്ഷിച്ചു. ഭാര്യയുമായുള്ള ബന്ധം ഉപേക്ഷിച്ച ശേഷം ഒറ്റയ്ക്കായിരുന്നു ശ്രീനാഥ് താമസിച്ചിരുന്നത്. ഹൈദരാബാദില് ചെറിയ തൊഴില് ചെയ്ത് ജീവിക്കുകയായിരുന്ന ശ്രീനാഥ് അടുത്തിടെയാണ് ഇയാള് ബി.ഫാം വിദ്യാര്ഥികളായ മസ്താനെയും ജീവയെയും പരിചയപ്പെട്ടത്.
തുടര്ന്ന് ലിംഗമാറ്റ ശസ്ത്രക്രിയ നടത്താനുള്ള തന്റെ ആഗ്രഹം ഇവരോട് പങ്കുവെച്ചു. മുംബൈയില് പോയി ലിംഗമാറ്റ ശസ്ത്രക്രിയ നടത്താനായിരുന്നു ശ്രീനാഥിന്റെ തീരുമാനം. എന്നാല് വിവരമറിഞ്ഞ ബി.ഫാം വിദ്യാര്ഥികള് ഇതില്നിന്ന് ശ്രീനാഥിനെ പിന്തിരിപ്പിക്കുകയും കുറഞ്ഞ ചെലവില് തങ്ങള് ശസ്ത്രക്രിയ നടത്താമെന്ന് വാഗ്ദാനം നല്കുകയുമായിരുന്നു.
ശ്രീനാഥ് ഇവരുടെ വാക്ക് വിശ്വസിച്ച് ശസ്ത്രക്രിയക്ക് തയ്യാറായി. ഇതോടെ യുവാക്കളും ശ്രീനാഥും ലോഡ്ജില് മുറിയിടെത്തു. തുടര്ന്ന് യൂ ട്യൂബ് വീഡിയോ നോക്കി വിദ്യാര്ഥികള് ശസ്ത്രക്രിയ ആരംഭിച്ചു. ഇതിനിടെയാണ് അമിത രക്തസ്രാവമുണ്ടായതായി യുവാവ് മരണപ്പെട്ടത്. ശ്രീനാഥിന് പ്രതികള് അമിതമായ അളവില് വേദനസംഹാരി നല്കിയിരുന്നുവെന്ന് പൊലീസ് പറഞ്ഞു.
പൊലീസ് എത്തുമ്പോൾ ലോഡ്ജ് മുറിയിൽ രക്തത്തിൽ കുളിച്ച നിലയിലായിരുന്നു മൃതദേഹം. ശ്രീനാഥിന്റെ ഫോൺ പരിശോധിച്ചതിൽ നിന്നാണ് പ്രതികളെ കുറിച്ച് സൂചന ലഭിച്ചത്.
Post A Comment: