ബജറ്റ് വിലയിൽ റിയൽമി 9 പ്രോ; ഇന്ന് മുതൽ വിപണിയിൽ

മുംബൈ: ബജറ്റ് വിലയിൽ റിയൽമി 9 പ്രോ ഇന്നു മുതൽ വിപണിയിൽ. ഫ്ലിപ് കാർട്ട്, റിയൽമി.കോം വെബ്‌സൈറ്റുകളിലൂടെയും ഓഫ്‌ലൈൻ ചാനലുകളിലൂടെയും ബുധനാഴ്ച്ച ഉച്ചമുതൽ വിൽപന ആരംഭിക്കും. അടിസ്ഥാന 6 ജിബി റാം + 128 ജിബി സ്റ്റോറേജ് വേരിയൻറ്റിനു 17999 രൂപ, 8 ജിബി റാം + 128 ജിബി സ്റ്റോറേജ് വേരിയൻറ്റിനു 20999 രൂപ എന്നിങ്ങനെയാണ് റിയൽമി 9 പ്രോയുടെ വിലകൾ. 

വിവിധ ബാങ്ക് ഓഫാറുകൾ ഉപയോഗിച്ച് വാങ്ങുമ്പോൾ 15999 രൂപയ്ക്ക് റിയൽമി 9 പ്രോ സ്വന്തമാക്കാമെന്ന് കമ്പനി അവകാശപ്പെടുന്നു. അറോറ ഗ്രീൻ, മിഡ്നൈറ്റ് ബ്ലാക്ക്, സൺറൈസ് ബ്ലൂ എന്നീ നിറങ്ങളിൽ ലഭ്യമാണ്. ലൈറ്റ് ഷിഫ്റ്റ് ഡിസൈനാണ് റിയൽമി 9 പ്രോയുടെ ഒരു ആകർഷണം.

നേരിട്ട് സൂര്യപ്രകാശം അല്ലെങ്കിൽ അൾട്രാവയലറ്റ് രശ്‌മികൾ പതിക്കുമ്പോൾ പിൻ പാനലുകളുടെ നിറം ഇളം നിലയിൽ നിന്ന് ചുവപ്പുലേക്ക് മാറുന്നതാണ് ലൈറ്റ് ഷിഫ്റ്റ് ഡിസൈൻ. ഇത് പക്ഷെ സൺറൈസ് ബ്ലൂ കളർ ഓപ്‌ഷനിൽ മാത്രമായി പരിമിതപ്പെടുത്തിയിട്ടുണ്ട്. 

റിയൽമി 9 പ്രോ 

ആൻഡ്രോയിഡ് 12 അടിസ്ഥാനമായ റിയൽമി UI 3.0 സ്‌കിന്നിലാണ് റിയൽമി 9 പ്രോ 5 ജി പ്രവർത്തിക്കുന്നത്. 120 HZ (6 ലെവൽ അഡാപ്റ്റീവ്) റിഫ്രഷ് റേറ്റുള്ള 6.6 - ഇഞ്ച് ഫുൾ-HD + എൽസിഡി പാനൽ ഡിസ്‌പ്ലെയാണ്. 

ആൻഡ്രിനോ 619 ജിപിയും 8 ജിബി വരെ റാമുമായി ചേർന്ന് പ്രവർത്തിക്കുന്ന ഒക്ട കോർ ക്വാൽകോം സ്നാപ്ഡ്രാഗൺ 695 SoC ആണ് പ്രൊസസർ. മെഗാപിക്‌സൽ പ്രൈമറി സെൻസറും f1.79 ലൈൻസും 8 മെഗാപിക്‌സൽ വൈഡ് ആംഗിൾ ഷൂട്ടറും 2 മെഗാപിക്‌സൽ മാക്രോയും ഉൾക്കൊള്ളുന്ന ട്രിപ്പിൾ റിയർ ക്യാമറയാണ് റിയൽമി 9 പ്രോ 5 ജിയിൽ. 

സെൽഫികൾക്കും വീഡിയോ ചാറ്റുകൾക്കുമായി 16 മെഗാപിക്‌സൽ സെൽഫി ക്യാമറ ക്രമീകരിച്ചിട്ടുണ്ട്. 33W ഡാർട്ട് ചാർജ് ഫാസ്റ്റ് ചാർജിംഗിനെ പിന്തുണയ്ക്കുന്ന 5000mAh ബാറ്ററിയാണ്. 95 ഗ്രാം ഭാരവുമുള്ള റിയൽമി 9 പ്രോ 5 ജിയ്ക്ക് 5 ജി, 4 ജി എൽടിഇ, വൈ-ഫൈ, ബ്ലൂടൂത്ത് v5.2  ജിപിഎസ്/എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവയാണ് കണക്റ്റിവിറ്റി ഓപ്‌ഷനുകൾ.     

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ....

https://chat.whatsapp.com/GFiO4fXCQd3BswL7p5oEzF