കൊറോണ കാലത്ത് സിനിമ മേഖല നിശ്ചലമായതോടെ സിനിമ തിരക്കുകൾക്ക്‌ അവധി നൽകി കൊണ്ട് താരങ്ങളെല്ലാം വീടുകളില്‍ കഴിയുകയാണ് ഇപ്പോള്‍. സര്‍ക്കാരും ആരോഗ്യ വിഭാഗവും നല്‍കുന്ന ജാഗ്രത നിര്‍ദ്ദേശങ്ങള്‍ ജനങ്ങളിലേക്ക് എത്തിക്കാനായി സോഷ്യല്‍ മീഡിയ പേജുകളെല്ലാം സജീവമാകുകയാണ് ആരാധകര്‍. അതേ സമയം നടന്‍ കുഞ്ചാക്കോ ബോബന്‍ സോഷ്യല്‍ മീഡിയയിലൂടെ പങ്കുവച്ച ഒരു ചിത്രം സോഷ്യല്‍ മീഡിയയിലൂടെ വൈറലായി മാറിയിരിക്കുകയാണ്.
മമ്മൂട്ടി, മോഹന്‍ലാല്‍, ദിലീപ്, സുരേഷ് ഗോപി, ജയറാം, ജയസൂര്യ, ദുല്‍ഖര്‍ സല്‍മാന്‍, ടൊവിനോ തോമസ്, പൃഥ്വിരാജ്, ഫഹദ്, നിവിന്‍ പോളി, ഉണ്ണിമുകുന്ദന്‍, കുഞ്ചാക്കോ ബോബന്‍ എന്നിവരെല്ലാം ഒന്നിച്ചിരിക്കുന്ന ഒരു കാര്‍ട്ടൂണ്‍ ചിത്രമാണ് താരം പങ്കുവച്ചിരിക്കുന്നത്. വീട്ടിലിരിക്കൂ, ലോകത്തെ രക്ഷിക്കൂ, ഒരു സൂപ്പര്‍ ഹീറോയാവൂ എന്നും താരം ചിത്രത്തോടൊപ്പം കുറിച്ചിട്ടുണ്ട്.
ചിത്രത്തിന് ഏറെ കൗതുകം നൽകുന്ന ഒന്നായിരുന്നു അതിന് വന്ന ഒരു കമ്മെന്റ്; "സോറി, ഞാൻ ഹോം ക്വാറന്‍റൈനിലാണ്" എന്ന കമ്മെന്റ് ആണ് ശ്രദ്ധ നേടിയത്. കമ്മെന്റ് പറഞ്ഞത് മറ്റാരുമല്ല യുവ നടൻ ആസിഫ് അലി തന്നെ. എന്നാല്‍ ഈ ചിത്രത്തില്‍ മുന്‍നിര നായകന്മാര്‍ക്കൊപ്പം ആസിഫ് അലിയുടെ സാന്നിധ്യമിലായിരുന്നു. ആസിഫിന്‍റെ കമന്‍റിനു താഴെ രസകരമായ കമന്‍റുകളാണ് വന്നിരിക്കുന്നത്. കൂട്ടംകൂടി ഇരിക്കാന്‍ പാടില്ല എന്ന് അറിഞ്ഞുകൊണ്ട് ഇക്ക മാറിനിന്നതാണല്ലേ, വീട്ടില്‍ നിന്ന് ഒരാള് മരുന്നു വാങ്ങാന്‍ പോയതിനിടെ ഫോട്ടോ എടുത്തതുകൊണ്ടാവും ചിത്രത്തില്‍ പെടാത്തത്, ഫോട്ടോ എടുത്തത് നിങ്ങളാണല്ലേ, കേസ് കൊടുക്കണം പിള്ളേച്ചാ തുടങ്ങിയ കമന്‍റുകളാണ് വന്നിരിക്കുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: