ശോഭനയെയും സുരേഷ് ഗോപിയെയും കേന്ദ്ര കഥാപാത്രമാക്കി അനൂപ് സത്യൻ അണിയിച്ചൊരുക്കിയ ചിത്രമാണ് വരനെ ആവശ്യമുണ്ട്. തീയേറ്ററിൽ നിറഞ്ഞ സദസിൽ ഓടിയ ചിത്രത്തിന്റെ ബിഹൈൻഡ് ദ സീൻ പുറത്തു വിട്ടിരിക്കുകയാണ് സംവിധായകൻ. ശോഭന അഭിനയിക്കുന്ന ഒരു രംഗത്തിന്റെ ചിത്രീകരണ വീഡിയോ ആണ് അനൂപ് സത്യന് പങ്കുവച്ചിരിക്കുന്നത്.
ശോഭനയുടെ കഥാപാത്രത്തിന് തന്റെ ചെറുപ്പത്തിലെ ഒരു ഫോട്ടോ അപ്രതീക്ഷിതമായി ലഭിക്കുന്ന രംഗമാണ് കാണാനാകുക. അപ്രതീക്ഷിതമായി പഴയ ഫോട്ടോ കയ്യില് കിട്ടുമ്പോള് തൊട്ടടുത്തുള്ള കണ്ണാടിയിലേക്ക് നോക്കാനാണ് സംവിധായകന്റെ നിര്ദേശം. ഒപ്പം ‘പണ്ടത്തെ ശോഭനയായിരുന്നു ശോഭന’ എന്ന് സംവിധായകന്റെ തമാശ രൂപേണയുള്ള കമന്റും കേള്ക്കാം. ഇതിന് ശോഭനയും അണിയറപ്രവര്ത്തകരും പൊട്ടിച്ചിരിക്കുന്നതും വീഡിയോയില് കേള്ക്കാം.
അനൂപ് സത്യന്റഎ ആദ്യ സംവിധാന സംരംഭവും ദുല്ഖര് സല്മാന് നിര്മിക്കുന്ന മൂന്നാമത്തെ ചിത്രവുമായിരുന്നു ഇത്. ദുല്ഖര് സല്മാന്റെ പ്രൊഡക്ഷന് കമ്പനിയായ വേഫെയ്റര് ഫിലിംസും എം സ്റ്റാര് ഫിലിംസും ചേര്ന്നാണ് ചിത്രം നിര്മിച്ചത്. മുകേഷ് മുരളീധരനാണ് ഛായാഗ്രഹണം. മേജര് രവി, ലാല് ജോസ്, ജോണി ആന്റണി, സന്ദീപ് രാജ്, വഫാ ഖദീജ, എന്നിവരും ചിത്രത്തിലുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: