ചെന്നൈ: ആറ്റിൽ കൂട്ടത്തോടെ നീന്തി കുളിക്കുന്നവരും ചൂണ്ടയിടുന്നവരുമൊക്കെ പൊലീസിന്റെ ഡ്രോൺ നിരീക്ഷണത്തിൽ മുണ്ടും പറിച്ച് ഓടുന്ന കാഴ്ച്ച നമ്മൾ കണ്ടതാണ്. പൊലീസ് ഡ്രോൺ നിരീക്ഷണം ശക്തമാക്കിയതോടെ ഇത്തരം ഒട്ടേറെ രസകരമായ കാഴ്ച്ചകളാണ് നിത്യേന കാണേണ്ടി വരുന്നത്. എന്നാൽ ഇതിനിടെ തമിഴ്നാട്ടിൽ നിന്നും വന്ന ഒരു വീഡിയോയാണ് ഇപ്പോൾ കൗതുകമാകുന്നത്. ലോക് ഡൗണിനിടെ ആളൊഴിഞ്ഞ പ്രദേശത്തെ മരച്ചുവട്ടിൽ പ്രണയിച്ചുകൊണ്ടിരുന്ന കമിതാക്കളെയാണ് ഡ്രോൺ കൈയൊടെ പൊക്കിയത്.
തമിഴ്നാട്ടിലെ തിരുവള്ളൂര് കുമഡിപൂണ്ടിലാണ് സംഭവം. ലോക് ഡൗണിൽ പെട്ടുപോയ കമിതാക്കൾ ഏറെ നാളുകൾക്ക് ശേഷം കണ്ടു മുട്ടിയതാണ്. പ്രണയ പരവശരായി യുവതി യുവാവിന്റെ മടിയിൽ കിടക്കുമ്പോഴാണ് തലക്ക് മീതെ ഡ്രോൺ പറന്നെത്തിയത്. ആകാശത്ത് വട്ടമിട്ട ഡ്രൗൺ കണ്ടതോടെ ചാടിയെണീറ്റ യുവതിയും യുവാവും ഷാളുകൊണ്ട് തലയും മുഖവും മൂടി. ഓടിപ്പിണഞ്ഞ് ബൈക്കിൽ കയറിയെങ്കിലും ബൈക്ക് സ്റ്റാർട്ടാകാൻ അൽപം വൈകി. പിന്നെ ഒരു വിധം ബൈക്ക് സ്റ്റാർട്ടാക്കി പാഞ്ഞു പോകുന്നതാണ് ദൃശ്യം. സംഭവം ചിരിക്കാനുള്ള വകയാണെങ്കിലും ഇതൽപം കന്നകൈയായിപോയെന്നാണ് സോഷ്യൽ മീഡിയ വിലയിരുത്തുന്നത്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: