തെന്നിന്ത്യയിൽ താര റാണിയായി വളരുമ്പോഴും രണ്ട് പ്രണയങ്ങളും പിന്നീടുള്ള വേർപിരിയലും നയൻതാരയുടെ ജീവിതത്തിലെ തന്നെ മോശം അനുഭവങ്ങളായിരുന്നു. ഇപ്പോൾ മൂന്നാമത്തെ സുഹൃത്തിനൊപ്പമാണ് താര സുന്ദരി. ഇതിനിടെ കഴിഞ്ഞ കാലങ്ങളിലുണ്ടായ പ്രണയ നഷ്ടങ്ങളെ കുറിച്ചും നയൻസ് മനസ് തുറക്കുകയാണ്.
"വിശ്വാസം എന്നൊന്നില്ലെങ്കില് അവിടെ പിന്നെ പ്രണയമില്ല. പരസ്പരം വിശ്വാസം നഷ്ടപ്പെട്ടു പോയവര്ക്കൊപ്പം ജീവിക്കുന്നതിലും ഭേദം ഒറ്റയ്ക്ക് നില്ക്കുകയാണെന്ന തോന്നലിലാണ് ഞാന് ആ പ്രണയബന്ധങ്ങള് ഉപേക്ഷിച്ചത്. വേര്പിരിയല് അത്ര എളുപ്പമായിരുന്നില്ല. കരിയറും സിനിമയിലെ സുഹൃത്തുക്കളുമാണ് ആ സങ്കടങ്ങളില് നിന്നൊക്കെ കര കയറാന് എന്നെ സഹായിച്ചതെന്നും നയൻസ് പറഞ്ഞു.
തമിഴില് നയന്താര ശ്രദ്ധിക്കപ്പെട്ടു തുടങ്ങിയ സമയത്ത് നടന് ചിമ്പുവുമായി പ്രണയത്തിലാണെന്ന് റിപ്പോര്ട്ടുകള് വന്നിരുന്നു. പിന്നീട് നടന് പ്രഭുദേവയുമായി ഉണ്ടായിരുന്ന പ്രണയം വിവാഹത്തിലേക്ക് വരെ നീങ്ങിയെങ്കിലും അതിനു മുന്നേ ഇരുവരും ബന്ധം അവസാനിപ്പിച്ചു. ഇപ്പോള് സംവിധായകന് വിഘ്നേശ് ശിവനുമായി അഞ്ച് വര്ഷത്തോളമായി നയന്താര പ്രണയത്തിലാണ്. വിഘ്നേശ് സംവിധാനം ചെയ്ത "നാനും റൗഡി താന്" എന്ന ചിത്രത്തില് നയന്താര അഭിനയിച്ചപ്പോള് തുടങ്ങിയ സൗഹൃദമാണ് ഇവരുടേത്. സിനിമാ തിരക്കുകള്ക്കിടയിലും ഇരുവരും തമ്മില് കാണാനും സംസാരിക്കാനും സമയം കണ്ടെത്താറുണ്ട്. ഇരുവരും ഒന്നിച്ചുള്ള ചിത്രങ്ങള് ആരാധകര്ക്കായ് പങ്കുവെയ്ക്കാറുമുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: