ലോക് ഡൗണിൽ വീട്ടിലിരിക്കുമ്പോൾ ആരാധകർക്കായി ഒരു കിടലൻ ഡാൻസ് കാഴ്ച്ച വച്ചിരിക്കുകയാണ് നടി മഞ്ജു വാര്യർ. തൻ്റെ നൃത്ത വീഡിയോ മഞ്ജു സോഷ്യൽ മീഡിയയിലൂടെ പങ്കുവെച്ചിരിക്കുന്നത്. വീടിന്‍റെ സ്വീകരണമുറിയിലാണ് മഞ്ജു ഡാന്‍സ് കളിക്കുന്നത്. കുച്ചുപ്പുടിയാണ് മഞ്ജു കളിക്കുന്നത്. വീഡിയോ നിമിഷങ്ങള്‍ക്കകം തന്നെ വെെറലായി മാറിയിരിക്കുന്നത്. ഒരു ലക്ഷത്തിനടുത്താണ് ഇന്‍സ്റ്റയില്‍ മാത്രം ലെെക്കുകള്‍.
മഞ്ജുവിന്‍റെ ഡാന്‍സിന് കമന്‍റുമായി ആരാധകര്‍ മാത്രമല്ല താരനിര തന്നെ എത്തിയിട്ടുണ്ട്. ഭാവന, പൂര്‍ണിമ, സാനിയ ഇയ്യപ്പന്‍, റിമി ടോമി, പേളി മാണി, നീരജ് മാധവ് തുടങ്ങിയവരെല്ലാം കമന്റ് ചെയ്തിട്ടുണ്ട്. ഐ മിസ് യു എന്നായിരുന്നു പൂര്‍ണിമയുടെ കമന്റ്. മിസ് യു ടൂവെന്ന് ഇതിന് മഞ്ജു മറുപടിയും നല്‍കിയിട്ടുണ്ട്.
റോഷൻ ആൻഡ്രൂസ് സംവിധാനം ചെയ്‌ത പ്രതി പൂവൻ കോഴി ആണ് അവസാനം പുറത്തിറങ്ങിയ മഞ്ജു വാരിയർ ചിത്രം. മരക്കാർ അറബി കടലിന്‍റെ സിംഹമാണ് റിലീസിന് തയ്യാറെടുത്ത് നിൽക്കുന്നത്. കയറ്റം, ജാക്ക് ആൻഡ് ജിൽ, ചതുര്‍മുഖം, മമ്മൂട്ടിയോടൊപ്പമുള്ള ദ പ്രീസ്റ്റ് തുടങ്ങിയ ചിത്രങ്ങളും അണിയറയിലൊരുങ്ങുന്നുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: